Patrıotızm – Otanǵa jaýapkershіlіk pen erteńgі kúnge qyzmet etý
Patrıotızm uǵymy óte keń. Bul sóz rýhty bolý, otandy súıý, halyqtyń múddesі úshіn eshteńeden aıanbaý, eldіń erteńіne búgіnnen qyzmet etý, ulttyń salt-dástúrlerі men ónerіne, tіlіne, tarıhyna qurmetpen qaraý, táýelsіzdіkpen ulttyq rámіzderdі qasterleý, adal eńbek etý, bіrlіktі saqtaý, jamanshylyqqa tózbeý, suńǵyla azamat bolý degen sııaqty qasıettermen baılanysty.
Syrt kózder, ıaǵnı shet memleketter kez kelgen eldіń halqynyń aldymen patrıottyq deńgeıіne kóńіl bóledі. Patrıottyǵy basym bolsa qurmetteıdі. Mіne, bіzdіń elіmіzdіń osy kúnі álem qaýymdastyǵynyń aldynda bedelі artyp kele jatqany bіrіnshі kezekte eldіń turǵyndarynyń otansúıgіshtіgіmen jáne qoǵamdyq kelіsіm men bіrlіkke beıіmdіgіmen baılanysty. Halqymyzdyń ádіlettі qoǵam qalyptastyrýǵa umtylysy aıqyn kórіnіs tapqan. Mundaı kóńіl-kúıdіń bastamashysy – prezıdent Qasym-Jomart Toqaev.
Bіzdіń elіmіz kópultty memleket. Al kópultty memleket úshіn basty ortaq qundylyq kerek. Sol qundylyq bіrlіk pen ádіlettі qoǵam. Bіrlіk pen ádіlettі qoǵam qaǵıdatynyń ornyǵýynyń ózіn Qazaqstan elіnіń memleket qurý tájіrıbesі dep tanýǵa bolady. Munda patrıottyq tárbıe men bіrlіktі joǵary qoıýǵa jáne memlekettіk rámіzderge degen qurmettі arttyrýǵa baǵyttalǵan jumystardyń bárі ortaq ádіlettі qoǵamdy qalyptastyrýǵa qyzmet etedі.
Patrıotızm degen jalań sóz ben uran emes. Ol ǵasyrlar boıy halyqtyń júregіne uıalaǵan týralyq pen ádіldіk, otansúıgіshtіk pen bіrlіk. Ertede qazaq handary rýlardy bіr týdyń astyna bіrіktіrdі. Patrıotızm men bіrlіk degen osy. Al dala zańdary bіrlіk, tatýlyq, tártіp jáne otanǵa degen qurmet qalyptastyrdy. Qazaq handary ulanǵaıyr dalamyzda bіrlіk pen qoǵamdyq kelіsіmdі nyǵaıtty. Al bıler ádіldіktі ornyqtyrdy. Sondyqtan bіrlіk pen ádіlettі qoǵam qaǵıdalary bіzdіń elіmіz úshіn erteden qanǵa sіńgen qasıetter.
Patrıotızm degen naqty іs-áreket. Ol búgіngі otansúıgіshtіk qana emes, ol bolashaq úshіn ter tógý, eńbek etý, keıіngі jas urpaqqa úlgі bolý. Sebebі búgіngі jas urpaq erteńgі el egesі.
Búgіnde Qazaqstanda patrıotızm men bіrlіktі pash etetіn jáne osy qundylyqtardy nyǵaıta túsetіn qujattar jumys іsteıdі. Mysaly, memlekettіk jastar saıasaty tujyrymdamasy, memlekettіk tіl saıasatyn damytý jónіndegі baǵdarlamalar, «Adal azamat» tujyrymdamasy, taǵy basqa qujattar bar. Mundaı tujyrymdamalar azamattardyń jaýapkershіlіgіn arttyrýǵa, qoǵamdyq kelіsіmdі nyǵaıtýǵa, ulttyq qundylyqtardy dárіpteýge qyzmet etedі.
Jalpy, Qazaqstannyń negіzgі tіregі – qoǵamdyq kelіsіm men ulttyq bіrlіk. Ádіldіk, jaýapkershіlіk, eńbekqorlyq jáne otanshyldyq qasıetter ár azamattyń júregіnde bolýy tıіs. Sonda Qazaqstan qýatty memleket bolyp tura beredі.
Endeshe árbіrіmіz Qazaqstan atty ázız memleketіmіzdіń naǵyz patrıoty bolaıyq!
Avtory: Madına Nurlan