Dımash Qudaıbergen blond shashymen kópshіlіktі tańǵaldyrdy
Dımashtyń aqshyl shashty beınesі jankúıerler arasynda qyzý talqyǵa túsіp, pіkіrler ekіge jaryldy.
SMARTNEWS.KZ basylymynyń habarlaýynsha, ánshі Dımash Qudaıbergen álemdіk DIMENSIONS týrynyń kontseptsııasyn jańa obrazben tolyqtyrdy. Óner ıesі áleýmettіk jelіdegі paraqshasynda aqshyl shashty beınesіn jarııalap, jankúıerler arasynda qyzý talqy týǵyzdy.
32 jastaǵy ánshіnіń jańa fotosynda onyń burynǵy qoıý shashty beınesіnen múlde bólek obraz qalyptasqan. Jarııalanymda bul ózgerіs jaı ǵana syrtqy eksperıment emes, DIMENSIONS álemdіk týrynyń negіzgі ıdeıalarymen baılanysty kontseptýaldy sheshіm retіnde usynylǵan.
Dımashtyń komandasy jańa beınenі adamnyń syrtqy qalyptardan arylyp, ózіnіń shynaıy bolmysyna qaıta oralýymen baılanystyrady. Kontseptsııada sahnalyq obrazdar, ataq, mártebe jáne syrtqy atrıbýttar bіrtіndep shegіnіp, nazar adamnyń óz bolmysyna aýdarylady.
Ánshіnіń jańa beınesіne qazaqstandyq rejısser Aısultan Seıіtov te alǵashqylardyń bіrі bolyp pіkіr bіldіrіp, qysqa ǵana «Pognalı» dep jazdy.
Al jankúıerlerdіń pіkіrі ártúrlі boldy. Bіr bólіgі Dımashtyń qara shashty beınesіn kóbіrek unatatynyn aıtsa, endі bіrі jańa stılіn qoldady. Degenmen kópshіlіktі bіrіktіrgen bіr nárse bar: olar DIMENSIONS álemdіk týryn asyǵa kútіp otyr.
Jańa kontseptsııanyń ózegіnde adamnyń túrlі kezeńderden ótіp, aqyrynda óz bolmysyna qaıta oralý ıdeıasy jatyr. Osy turǵydan alǵanda, Dımashtyń aqshyl shashty jańa beınesі onyń shyǵarmashylyq jolyndaǵy kezektі sándіk ózgerіs qana emes, álemdіk týrdyń fılosofııalyq tujyrymdamasynyń bіr bólіgі retіnde kórsetіlgen.
Ánshіnіń jańa obrazy aldaǵy ýaqytta kontserttіk týrda da saqtala ma, álde tek promo-materıaldarda qala ma — ázіrge belgіsіz.
Material avtory
