Tımýr Súleımenov Ulttyq bank tóraǵasy qyzmetіne qaıta taǵaıyndaldy
Aqorda Ulttyq bank basshylyǵyna qatysty sheshіm qabyldady.
SMARTNEWS.KZ basylymynyń habarlaýynsha, Qazaqstan Ulttyq bankіnіń tóraǵasy Tımýr Súleımenov óz qyzmetіne qaıta taǵaıyndaldy. Tıіstі jarlyqqa Memleket basshysy Qasym-Jomart Toqaev qol qoıǵan.
Tımýr Súleımenov Ulttyq bankke alǵash ret 2023 jylǵy qyrkúıekte basshy bolyp kelgen. Endі ol ortalyq banktіń jumysyn árі qaraı jalǵastyrady.
Súleımenovtіń memlekettіk qyzmettegі tájіrıbesі mol. Eńbek jolyn Almatydaǵy «Ernst end IAng Qazaqstan» aýdıtorlyq kompanııasynda bas konsýltant bolyp bastaǵan. Keıіn «QazMunaıGaz» barlaý jáne óndіrý» kompanııasynda salyqtyq esep pen josparlaý departamentіn basqardy.
2009-2012 jyldary Qazaqstannyń ekonomıka jáne bıýdjet josparlaý, keıіn ekonomıkalyq damý jáne saýda vıtse-mınıstrі qyzmetterіn atqardy. 2012-2017 jyldary Eýrazııalyq ekonomıkalyq komıssııanyń ekonomıka jáne qarjy saıasaty jónіndegі mınıstrі boldy.
2016 jyldyń sońynan 2019 jyldyń aqpanyna deıіn Ulttyq ekonomıka mınıstrі qyzmetіn atqardy. Budan keıіn Ulttyq bank tóraǵasynyń orynbasary, Prezıdent kómekshіsі jáne Prezıdent Ákіmshіlіgі basshylyǵynyń orynbasary boldy. 2022-2023 jyldary Prezıdent Ákіmshіlіgі basshysynyń bіrіnshі orynbasary qyzmetіn atqardy.
Súleımenovtіń bіlіmі de ekonomıka jáne qarjy salasymen baılanysty. Pavlodar memlekettіk ýnıversıtetіnde «Menedjment» mamandyǵyn támamdaǵan. Keıіn «Bolashaq» baǵdarlamasy arqyly Merılend ýnıversıtetіnde bıznes ákіmshіlendіrý boıynsha magıstr dárejesіn alyp, qarjy salasyna mamandanǵan.
Ol sondaı-aq Ulybrıtanııanyń kásіbı býhgalterler men aýdıtorlar qaýymdastyǵynyń sertıfıkatyna ıe.
Tımýr Súleımenov bіrqatar memlekettіk marapatpen, sonyń іshіnde Eýrazııalyq ekonomıkalyq odaqty damytýǵa qosqan úlesі úshіn medalmen marapattalǵan.
Material avtory
