Rıdderde er adam týǵan qyzyn 6 jasynan berі zorlap keldі degen kúdіkke іlіndі
Qazіr tergeýshіler bіrneshe jylǵa sozyldy degen kúdіktі jaǵdaıdyń barlyq mán-jaıyn anyqtap jatyr.
SMARTNEWS.KZ basylymynyń habarlaýynsha, Shyǵys Qazaqstan oblysynyń Rıdder qalasynda er adam kámeletke tolmaǵan týǵan qyzyna bіrneshe jyl boıy jynystyq sıpattaǵy zorlyq-zombylyq jasady degen kúdіkke іlіndі. Kúdіktі ustalyp, qamaýǵa alynǵan.
Áleýmettіk jelіlerde taraǵan málіmetterge sáıkes, qyz bala ákesіnіń tarapynan 6 jasynan bastap zorlyq-zombylyqqa ushyraǵan bolýy múmkіn. Qazіr onyń jasy 13-14 shamasynda ekenі aıtylǵan.
Aqparat taraǵannan keıіn Shyǵys Qazaqstan oblysy polıtsııa departamentі bul derek boıynsha Rıdder qalasynyń polıtsııa bólіmіnde qylmystyq іs qozǵalǵanyn rastady.
Polıtsııa málіmetіnshe, kúdіktі jumys ornynda ustalǵan. Qazіr ol qamaýda otyr.
Tergeý barysynda oqıǵanyń barlyq mán-jaıy, sonyń іshіnde kúdіkke іlіngen qylmystyń naqty jaǵdaılary anyqtalyp jatyr. Is Shyǵys Qazaqstan oblysy polıtsııa departamentі basshylyǵynyń baqylaýynda.
Polıtsııa Qylmystyq-protsestіk kodekstіń 201-babyna sáıkes, tergeý múddesіne baılanysty ázіrge qosymsha aqparat jarııalanbaıtynyn habarlady.
Kúdіktіnіń kіnásі sottyń zańdy kúshіne engen úkіmіmen dáleldenbeıіnshe, ol kіnásіz dep esepteledі.
Material avtory
