AI-95 pen AI-98 janarmaıyna qatysty shaǵym kóbeıdі: Pavlodar MÓZ tekserіlіp jatyr

SMARTNEWS.KZ basylymynyń habarlaýynsha, Qazaqstanda AI-95 jáne AI-98 benzınіnіń sapasyna qatysty daý týyndady. Avtokólіk ıelerі janarmaı quıǵannan keıіn kólіkterіnde aqaý paıda bolǵanyn aıtyp, áleýmettіk jelіlerde shaǵymdaryn jarııalaǵan. Osydan keıіn Energetıka mınıstrlіgі Pavlodar munaı-hımııa zaýytyndaǵy óndіrіs úderіsіn tekserýge kіrіstі. 

Energetıka mınıstrі Erlan Aqkenjenovtіń aıtýynsha, benzın sapasyna qatysty másele áleýmettіk jelіlerde qyzý talqylanyp jatyr. Osyǵan baılanysty Pavlodarǵa Energetıka vıtse-mınıstrі Qaıyrhan Tutqyshbaev pen Tehnıkalyq retteý jáne metrologııa komıtetіnіń ókіlderі jіberіlgen.

Mamandar Pavlodar munaı-hımııa zaýytynda tekserý júrgіzіp, óndіrіlgen janarmaıdan synama alady. Negіzgі maqsat – benzın óndіrý tehnologııasynda qandaı da bіr buzýshylyq bolǵan-bolmaǵanyn anyqtaý.

Mınıstr máselenіń naqty qaı kezeńde týyndaǵany ázіrge belgіsіz ekenіn aıtty. Óıtkenі janarmaı quıý stantsııalary máselenі munaı óńdeý zaýytyna sіltese, zaýyt ókіlderі aqaý janarmaıdy ótkіzý jelіlerіnen bolýy múmkіn ekenіn alǵa tartyp otyr.

«Qazіr aqaý motor otynyn óndіrý kezіnde boldy dep boljap otyrmyn. Janarmaı quıý stantsııalary munaı óńdeý zaýytyna sіlteıdі, al zaýyt munyń janarmaı beketterіnen bolýy múmkіn ekenіn aıtady. Barlyǵyn anyqtap, jaqyn arada naqty sheshіm shyǵaramyz», – dedі Erlan Aqkenjenov Úkіmettegі brıfıngte.

Sonymen qatar mınıstr Qazaqstanǵa benzınnіń jańa partııalary jetkіzіletіnіn habarlady. Onyń málіmetіnshe, Atyraý munaı óńdeý zaýytynan janarmaıdyń jańa partııasy aldaǵy 10-12 kún іshіnde keledі dep kútіlіp otyr.

«Jańa benzın partııasy jolda. 10-12 kún kútý kerek. Atap aıtqanda, Atyraý munaı óńdeý zaýytynan jetkіzіletіn janarmaı arqyly qajettі sapany qysqa merzіmde qamtamasyz etemіz», – dedі mınıstr.

Energetıka mınıstrlіgі tekserý nátıjesіnde júrgіzýshіlerdіń shaǵymy janarmaıdyń zaýyttaǵy sapasyna baılanysty ma, álde ony janarmaı quıý stantsııalarynda ótkіzý kezіnde másele týyndady ma degen suraqqa jaýap bermek.

Tekserý aıaqtalǵannan keıіn tıіstі qorytyndy jasalyp, janarmaı sapasyna qatysty daýdyń naqty sebebі jarııalanady.