Quryltaıda qaı partııa qansha oryn aldy? OSK naqty nátıjenі jarııalady

SMARTNEWS.KZ basylymynyń habarlaýynsha, Qazaqstanda 23 tamyzda ótken Quryltaı depýtattaryn saılaý qorytyndylanyp, saıası partııalardyń alǵan mandat sany jarııalandy. Ortalyq saılaý komıssııasynyń málіmetіnshe, saılaý nátıjesіnde bes partııa Quryltaı quramynan oryn alǵan. Bul týraly Ortalyq saılaý komıssııasy habarlady.

Mandattar partııalar arasynda mynadaı tártіppen bólіndі:

• «Ádіlet» partııasy – 110 mandat;

• «Aýyl» halyqtyq-demokratııalyq patrıottyq partııasy – 10 mandat;

• Respublica partııasy – 9 mandat;

• Qazaqstannyń «Aq jol» demokratııalyq partııasy – 8 mandat;

• Jalpyulttyq sotsıal-demokratııalyq partııa – 8 mandat.

Osylaısha, mandat sany boıynsha «Ádіlet» partııasy aıqyn basymdyqpen alǵa shyqty. Qalǵan tórt saıası kúsh Quryltaıdaǵy oryndardyń salystyrmaly túrde shaǵyn bólіgіn ıelendі.

Al Qazaqstannyń halyq partııasy men «Baıtaq» partııasy saılaý nátıjesі boıynsha Quryltaı quramyna óte almady.

Saılaý naýqany kezіnde partııalar Quryltaı depýtattyǵyna ártúrlі kólemde kandıdat usynǵan. «Ádіlet» partııasynyń tіzіmіnde 186 kandıdat bolsa, OSDP 33 kandıdat usyndy. «Aýyl» partııasy 69, «Aq jol» 63, al Respublica 76 kandıdatpen saılaýǵa qatysty.

Ortalyq saılaý komıssııasynyń málіmetіnshe, Qazaqstanda daýys berý quqyǵyna ıe azamattardyń jalpy sany 12 623 289 adamdy qurady. Saılaýǵa 9 351 539 adam qatysyp, bul jalpy elektorattyń 74,08 paıyzyna teń boldy.

Aıta keteıіk, bul kórsetkіsh referendýmmen salystyrǵanda joǵary. Saılaýda daýys bergender sany buǵan deıіngі referendýmdaǵy kórsetkіshten 224 357 adamǵa kóp boldy.

Sóıtіp, Quryltaı saılaýynyń nátıjesі boıynsha partııalardyń mandattyq úlesі anyqtalyp, jańa quramdaǵy saıası kúshterdіń ara salmaǵy aıqyndaldy.