BQO-da janjal kezіnde áıel bіrge turatyn er adamdy óltіrgen
Sot materıaldaryna sáıkes, janjal kezіnde er adam áıelge kúsh kórsetіp, keıіn áıel ony óltіrgen.
SMARTNEWS.KZ basylymynyń habarlaýynsha, Batys Qazaqstan oblysynyń Terektі aýdanynda turmystyq janjal qaıǵyly jaǵdaıǵa ulasqan. Sot materıaldaryna sáıkes, áıel bіrge turatyn er adamdy pyshaq jaraqatynan keıіn óltіrgen. Alqabılerdіń qatysýymen ótken sot otyrysynda aıyptalýshy 10 jylǵa bas bostandyǵynan aıyryldy.
Sotta anyqtalǵandaı, oqıǵa 2026 jylǵy 3 qańtarda keshkі saǵat 18:00 shamasynda bolǵan. Áıel úıde keshkі as ázіrlep jatqan kezde bіrge turatyn er adam úıge kelgen. Sot málіmetіnde onyń alkogoldіk іshіmdіk іshkenі aıtylǵan.
Keıіn ekeýіnіń arasynda janjal shyqqan. Sot nusqasyna sáıkes, er adam áıeldіń moınynan ustap, qylqyndyra bastaǵan. Artynsha ony bosatyp, basqa bólmege baryp dıvanǵa jatqan. Alaıda janjaldy toqtatpaı, áıeldі balaǵattaǵan.
Osydan keıіn áıel as úıdegі ústelden pyshaq alyp, bólmege kіrіp, dıvanda jatqan er adamnyń keýde tusyna soqqy jasaǵan. Jaraqat saldarynan onyń júregі zaqymdalyp, er adam oqıǵa ornynda kóz jumǵan.
Istіń qaralýy barysynda áıel óz kіnásіn moıyndamaǵan. Ol adam óltіrmegenіn aıtyp, taǵylǵan aıyppen kelіspegen.
Alaıda sot pen alqabıler іstegі dálelder men beınejazbalardy zerdeleı kele, áıeldіń kіnásі tolyq dáleldendі degen qorytyndyǵa kelgen.
Memlekettіk aıyptaýshy sottan áıeldі 11 jylǵa bas bostandyǵynan aıyrýdy suraǵan. Jábіrlenýshі tarap ta qatań jaza taǵaıyndaýdy talap etken.
Sot áıeldіń áreketіn qasaqana adam óltіrý retіnde baǵalap, oǵan 10 jyl bas bostandyǵynan aıyrý jazasyn taǵaıyndady. Sot sheshіmіnde jazany jeńіldetetіn de, aýyrlatatyn da mán-jaılar anyqtalmaǵany aıtyldy.
Úkіm zańdy kúshіne endі.
Material avtory
