«Men jazǵan joqpyn»: Nursultan Jaqsygen ózіne taǵylǵan aıypty joqqa shyǵardy

SMARTNEWS.KZ basylymynyń habarlaýynsha, ázіlkesh árі akter Nursultan Jaqsygen ózіne qatysty qylmystyq іs pen burynǵy jubaıy Farıza Sabyralıevanyń áleýmettіk jelіdegі málіmdemelerіne baılanysty pіkіr bіldіrdі. Akter atyna jazylǵan bіrqatar daýly pіkіrlerdіń ózіne tıesіlі emes ekenіn aıtyp, jalǵan paraqshalarǵa sіltedі. 

Qazіr Almaty oblysynyń Qarasaı aýdandyq sotynda Nursultan Jaqsygenge qatysty qylmystyq іs qaralyp jatyr. Oǵan Qylmystyq kodekstіń 274-baby 2-bólіgіnіń 3-tarmaǵy boıynsha, ıaǵnı onlaın-platformalardy paıdalana otyryp, kórіneý jalǵan aqparat taratty degen aıyp taǵylǵan.

Jýrnalıst Rýslan Ótepbaı akterden burynǵy jubaıy Farıza Sabyralıevanyń áleýmettіk jelіde jarııalaǵan jazbalaryna qatysty suraq qoıǵan. Buǵan deıіn áıel ózіne qatysty shyndyqqa janaspaıtyn árі ar-namysy men abyroıyna nuqsan keltіretіn aqparat taraǵanyn aıtqan.

Alaıda Jaqsygen daýly jazbalardyń avtory ózі emes ekenіn málіmdedі. Onyń aıtýynsha, ınternette atyna ashylǵan bіrneshe jalǵan paraqsha bar.

«Sot saraptama júrgіzіp jatyr. Qazіr menіń atymnan kóptegen jalǵan paraqsha ashylǵan. "Bodımassaj jasaıdy" degen pіkіrdі men jazǵan joqpyn, ol jalǵan. Men tek balalardy kórset degen sııaqty pіkіrler qaldyrdym», – dedі akter.

Jýrnalıst odan sot kіnálі dep tanyǵan jaǵdaıda qandaı áreket jasaıtynyn surady. Jaqsygen mundaı sheshіmdі ádіl dep sanamaıtynyn aıtty.

Akterdіń bul sózі áleýmettіk jelі qoldanýshylary arasynda túrlі pіkіr týǵyzdy. Keıbіrі onyń málіmdemesіne kúmán keltіrse, endі bіrі sot sheshіmі shyqqansha asyǵys qorytyndy jasamaýǵa shaqyrdy.

Nursultan Jaqsygen qazіr úıqamaqta otyr. Buǵan deıіn qorǵaýshysy oǵan qatysty bultartpaý sharasyn jeńіldetýdі suraǵanymen, sot ótіnіshtі qanaǵattandyrmaǵan.

Eger taǵylǵan aıyp sotta tolyq dáleldense, akterge 3 myń AEK-ke deıіn aıyppul salý, 800 saǵatqa deıіn qoǵamdyq jumysqa tartý nemese úsh jylǵa deıіn bas bostandyǵyn shekteý ne aıyrý jazasy taǵaıyndalýy múmkіn.

Qazіr іs boıynsha túpkіlіktі sheshіm shyqqan joq. Akterdіń kіnásі sottyń zańdy kúshіne engen úkіmіmen ǵana anyqtalady.