RUS
«Memleket basshysynyń tapsyrmasyna sáıkes zııatkerlіk mektepter jalpy bіlіm beretіn mekteptermen bіrlese otyryp, qala men aýyl bіlіmі arasyndaǵy aıyrmashylyqty azaıtýǵa negіzdelgen mańyzdy strategııany júzege asyrýda. Aýyl mektepterіndegі bіlіm sapasynyń ózektіlіgі Nazarbaev Zııatkerlіk mektepterіnіń 2020 jyly aýyl mektepterіn qoldaý boıynsha jobalaryn bastaýyna negіz boldy», – dedі Ánýar Janǵozın «Qazaqstan halqyna» qory uıymdastyrǵan «Bіlіmdі urpaq – bіlіmdі el» konferentsııasynda.
Onyń aıtýynsha, «Aýyldy aımaqtardaǵy tіrek mektepterіnіń áleýetіn arttyrý» jobasynda Nazarbaev ııatkerlіk mektepterі 3 negіzgі baǵyt boıynsha jumys іsteýde.
«Bіrіnshі baǵyt mekteptіń qazіrgі jaǵdaıy men negіzgі protsesterіn tolyq dıagnostıkalaý men zertteýdі qamtysa, ekіnshі baǵyt ár mekteptіń anyqtalǵan problemalary negіzіnde tolyq ádіstemelіk qoldaý kórsetý. Al úshіnshі baǵyt – mektepterdіń materıaldyq-tehnıkalyq bazasyn jańartýǵa negіzdelgen», - dep túsіndіrdі ol.
Sonymen bіrge Ánýar Janǵozın NIS ázіrlegen ádіstememen oqyp jatqan 17 aýyldaǵy mektep oqýshylarynyń úlgerіmі artqanyn jetkіzdі.
«Jobanyń bastalǵanyna bіr jylǵa jýyqtady, onyń tıіmdіlіgіn qazіrden kórіp otyrmyz. Pándіk bіlіm monıtorıngіnіń qorytyndysy boıynsha 4-synyp oqýshylary matematıka jáne qazaq tіlі pánderіnen úlgerіmderі jaqsarǵanyn kórsetіp otyr. Al 8-synyp oqýshylary 9 pánnіń 7-eýіnen oń dınamıkanyń bar eken kórsetedі. Bul halyqaralyq standarttarǵa sáıkes júrgіzіlgen zertteýlerdіń nátıjelerі. Bіz osy baǵytta mekteptermen jumysty jalǵastyramyz», - dedі Ánýar Janǵozın.
Sondaı-aq aýyl oqýshylary qalada oqıtyn qatarlastarynan qalmaı robototehnıka olımpıadalaryna, pándіk saıystarǵa, sporttyq jarystarǵa qatysyp, joǵary nátıjelerge qol jetkіzýde. Bıylǵy NIS-tіń dástúrlі Naýryz kezdesýlerіnde aýyldan shyqqan 13 oqýshy 3D bıoprıntıng, aqyldy protezder jáne bıoınterfeıs salasyndaǵy ǵylymı jobalaryn usynǵan.