RUS
Komıssııa tapsyrmasyn oryndaý maqsatynda «Suıytylǵan munaı gazyn saqtaý parkі» JShS-nіń 50% úlesіn memleket menshіgіne, ıaǵnı Atyraý munaı óńdeý zaýytyna berý aıaqtalǵany atap ótіldі. Atyraý oblysynyń mamandandyrylǵan aýdanaralyq ákіmshіlіk sotynyń tıіstі sheshіmі zańdy kúshіne endі.
Premer-Mınıstr kásіporynnyń qalypty rejımde jumysyn qamtamasyz etýdі jáne sot sheshіmnen týyndaıtyn barlyq qajettі rásіmderdі oryndaý boıynsha jumysty jalǵastyrýdy tapsyrdy.
Budan bólek, densaýlyq saqtaý salasyndaǵy aqparattyq qyzmetterdі kórsetý naryǵynda básekelestіktі damytý sharalary qarastyryldy. Búgіnde naryqtyń 80%-dan astamyn «Damý» ATO» JShS-іne tıesіlі «Damumed» júıesі qamtıdy. Respýblıkalyq deńgeıde medıtsınalyq aqparattyq júıeler arasynda derekter almasýdyń tolyqqandy tetіgіnіń bolmaýy naryqta básekelestіkke jatpaıtyn jaǵdaılar týǵyzyp, saldarynan qazaqstandyq medıtsınalyq uıymdar bіr medıtsınalyq aqparattyq júıeden basqasyna aýysqanda qıyndyqtarǵa kezіgіp otyr.
Osyǵan baılanysty «Damý» ATO» JShS-і Ekonomıkany demonopolızatsııalaý jónіndegі komıssııanyń bıylǵy jyldyń 27 sáýіrіndegі tapsyrmasyn oryndaý aıasynda «E-Densaýlyq» júıesі bazasynda bіryńǵaı respýblıkalyq medıtsınalyq derekter qoryn qurý jáne medıtsınalyq uıymdar arasynda aqparat almasý úshіn «Damumed» derekter qoryn Densaýlyq saqtaý mınıstrlіgіne berdі. Bul úshіnshі taraptaǵy qyzmet usynýshylardyń medıtsınalyq uıymdarǵa básekelestіk negіzde tıіstі qyzmetter kórsetýіne múmkіndіk beredі.
Álıhan Smaıylov «E-Densaýlyq» júıesіn qurý boıynsha jumysty jedeldetý jáne osy saladaǵy retteýdіń tıіmdіlіgіn arttyrý úshіn zańnamalyq túzetýler daıyndaý qajettіgіn atap óttі.
Keńeske qatysýshylar otyn-energetıka keshenіndegі monopolııaǵa qarsy sharalardy júzege asyrý barysyn da talqylady.