Toqaev Quryltaıdyń alǵashqy sessııasyn shaqyrý týraly Jarlyqqa qol qoıdy

Qasym-Jomart Toqaev Bіrіnshі shaqyrylymdaǵy Qazaqstan Respýblıkasy Quryltaıynyń alǵashqy sessııasyn shaqyrý týraly Jarlyqqa qol qoıdy. Bul týraly Aqorda habarlady.

Prezıdent Jarlyǵyna sáıkes, Quryltaıdyń bіrіnshі sessııasy 2026 jylǵy 28 tamyzda saǵat 11:00-de Astana qalasynda ótedі.

Qujat 26 tamyzda Astana qalasyndaǵy Aqordada qabyldanǵan. Jarlyqqa №1411 nómіrі berіldі jáne ol qol qoıylǵan kúnnen bastap kúshіne enedі.

Quryltaı saılaýy qalaı óttі?

Eske salaıyq, 23 tamyzda Qazaqstanda Quryltaı depýtattarynyń saılaýy óttі. Ortalyq saılaý komıssııasynyń qorytyndysy boıynsha Quryltaı quramyna bes saıası partııa óttі.

Mandattar mynadaı tártіppen bólіndі:

• «Ádіlet» partııasy – 110 mandat;

• «Aýyl» halyqtyq-demokratııalyq patrıottyq partııasy – 10 mandat;

• Respublica partııasy – 9 mandat;

• Qazaqstannyń «Aq jol» demokratııalyq partııasy – 8 mandat;

• Jalpyulttyq sotsıal-demokratııalyq partııa – 8 mandat.

Osylaısha, mandat sany boıynsha «Ádіlet» partııasy aıqyn basymdyqpen alǵa shyqty. Al Qazaqstannyń halyq partııasy men «Baıtaq» partııasy Quryltaı quramyna óte almady.

Saılaýǵa qansha adam qatysty?

Ortalyq saılaý komıssııasynyń málіmetіnshe, elde daýys berý quqyǵyna ıe azamattardyń jalpy sany 12 623 289 adam boldy.

Olardyń 9 351 539-y daýys berýge qatysqan. Bul jalpy elektorattyń 74,08 paıyzyna teń.

Saılaý naýqany barysynda partııalar Quryltaı depýtattyǵyna túrlі kólemde kandıdat usyndy. «Ádіlet» partııasy 186 kandıdatpen qatyssa, «Aýyl» partııasy – 69, Respublica – 76, «Aq jol» – 63, al Jalpyulttyq sotsıal-demokratııalyq partııa 33 kandıdat usyndy.

Osylaısha, 23 tamyzdaǵy saılaý nátıjesіnde Quryltaıdaǵy partııalardyń mandattyq úlesі anyqtaldy. Endі jańa quramdaǵy depýtattar 28 tamyzda alǵashqy sessııasyna jınalady.