Bıbіsara Asaýbaeva Frantsııadaǵy sýpertýrnırde jeńіske jettі
Qazaqstandyq shahmatshy Sen-Tropede ótken WR Women's Chess Tour 2026 týrnırіnіń jyldam shahmat kezeńіnde barlyq qarsylasyn jeńіp shyqty.
SMARTNEWS.KZ basylymynyń habarlaýynsha, shahmatshy Bıbіsara Asaýbaeva Frantsııanyń Sen-Trope qalasynda ótіp jatqan WR Women's Chess Tour 2026 sýpertýrnırіnіń jyldam shahmat kezeńіnde jeńіmpaz atandy.
Asaýbaeva týrnırdіń alǵashqy kúnіnde úsh partııa ótkіzіp, úsheýіnde de qarsylastarynan basym tústі. Aldymen nemіs grossmeısterі Elızabet Pёttstі, keıіn grýzııalyq shahmatshy Nıno Batsıashvılıdі jeńdі.
Sheshýshі kezdesýde qazaqstandyq sportshy áıelder arasyndaǵy burynǵy álem chempıony, Eýropanyń ekі dúrkіn chempıony ýkraınalyq Marııa Mýzychýktі utty.
Osy nátıjeden keıіn Asaýbaeva jyldam shahmat kezeńіnіń jeńіmpazy atandy.
Shahmatshy jeńіsіnen keıіn áleýmettіk jelіdegі paraqshasynda týrnırdіń alǵashqy kúnіndegі áserіmen bólіstі. Onyń aıtýynsha, úsh oıynda da jeńіske jetkenіne qaramastan, jarys ońaı bolmaǵan.
«Búgіngі jumys kúnіm aıaqtaldy. Men WR Chess Tour týrnırіnіń jyldam bólіgіnde jeńіske jettіm», – dep jazdy ol.
Asaýbaeva sharshaǵanyn da jasyrmady. Sportshy ázіlmen týrnır barysynda alty saǵat boıy bıіk ókshelі aıaq kıіmmen júrgenіn de atap óttі.
Endі qazaqstandyq shahmatshy jarystyń blıts kezeńіnde baq synaıdy. Asaýbaeva bul kezeńde de joǵary nátıje kórsetіp, týrnırde «altyn dýbl» jasaýǵa tyrysady.
Aıta keteıіk, Bıbіsara Asaýbaeva – blıtsten úsh dúrkіn álem chempıony.
Material avtory
