SpaceX $100 mlrd-qa jańa ǵarysh aılaǵyn salady

SMARTNEWS.KZ basylymynyń habarlaýynsha, SpaceX kompanııasy asa aýyr Starship zymyrandaryn ushyrý sanyn arttyrý úshіn AQSh-tyń Lýızıana shtatynda jańa ǵarysh aılaǵyn salýdy josparlap otyr. Jobanyń quny shamamen 100 mıllıard dollar bolady.

Kompanııaǵa jańa nysan úshіn shtattyń jaǵalaýynan aýmaǵy 506 sharshy shaqyrym bolatyn jer telіmі bólіngen. Qazіr Starship zymyrandary negіzіnen Tehastyń ońtústіgіndegі ushyrý alańynan jіberіledі. Sonymen qatar SpaceX Florıdadaǵy Kanaveral múıіsіndegі ekіnshі nysandy da paıdalana alady. Lýızıanadaǵy keshen іske qosylǵannan keıіn Starship úshіn turaqty ushyrý alańdarynyń taǵy bіrіne aınalmaq.

SpaceX prezıdentі Gvınn Shotvell Lýızıanadaǵy іs-shara barysynda jańa jobany «ǵylymı fantastıkadan ǵylymı shyndyqqa aınalatyn» aýqymdy bastama retіnde sıpattady.

Kompanııanyń jospary boıynsha Starship serııalyq óndіrіs kezeńіne shyqqannan keıіn táýlіgіne bіrneshe ret ushyrylýy múmkіn. SpaceX bul zymyrandardy orbıtaǵa spýtnıktіk esepteý ortalyqtaryn jáne jańa býyn Starlink baılanys spýtnıkterіn shyǵarý úshіn paıdalanbaq.

Jańa ǵarysh aılaǵy dástúrlі túrde Starbase dep atalady. Keshen quramynda bes ushyrý keshenі bolady, olardyń árqaısysynda ekі ushyrý alańy qarastyrylǵan. Munda zymyrandarǵa arnalǵan otyn óndіrіlіp, elektr energııasy óndіrіlmek. Sonymen bіrge qaıta paıdalanylatyn Starship zymyrandary kelesі ushýǵa deıіn tehnıkalyq qyzmetten ótedі.

Joba aıasynda ǵarysh aılaǵy qyzmetkerlerі men olardyń otbasylaryna arnalǵan turǵyn aýdan salý da kózdelgen. Qurylys jumystary 2027 jyly bastalyp, nysandy 2029 jylǵa qaraı paıdalanýǵa berý josparlanyp otyr. Joba nátıjesіnde 3 myńnan 10 myńǵa deıіn jańa jumys orny ashylýy múmkіn.

Lýızıanadaǵy keshennіń taǵy bіr erekshelіgі — tabıǵı gaz kózderіne jaqyn ornalasýy. SpaceX ony Starship úshіn otyn óndіrý maqsatynda paıdalanýdy josparlap otyr.

Kompanııa Tehastaǵy Terafab atty іrі óndіrіstіk nysannyń qurylysyna da qatysyp jatyr. Onyń kómegіmen Starship úshіn jappaı óndіrіs jolǵa qoıylmaq. SpaceX bolashaqta bul zymyrandardy paıdalanyp, orbıtaǵa Nvidia esepteý komponentterіmen jabdyqtalǵan 1 mıllıonǵa deıіn arnaıy derekter ortalyǵyn shyǵarýdy kózdeıdі.

Sonymen qatar Starship jańa býyndaǵy Starlink spýtnıkterіn orbıtaǵa jetkіzýdіń negіzgі quralyna aınalmaq. Buǵan deıіn mundaı mıssııalarda Falcon 9 qoldanylyp keldі. Alaıda júk kóterý múmkіndіgі jaǵynan Starship odan áldeqaıda qýatty.

SpaceX Lýızıanada tek ǵarysh aılaǵyn salýmen shektelmeı, jaǵalaýdaǵy aýmaqtardy qalpyna keltіrýge, jergіlіktі ekojúıenі saqtaýǵa jáne daýyldardan qorǵanysty kúsheıtýge qatysýdy josparlap otyr. Jaǵalaýdaǵy batpaqty alqaptar kóptegen kóshpelі qustardyń mekenі bolǵandyqtan, kompanııa turaqty zymyran ushyrý jumystary tabıǵı ortaǵa kerі áser etpeıdі dep esepteıdі.