RUS
Prezıdent elektrondy saýda salasynda ózara alys-berіstі arttyrý úshіn qosymsha múmkіndіkter bar ekenіne nazar aýdardy.
«Onlaın saýdany damytý asa mańyzdy. Buǵan jappaı shekteýler kezіnde kózіmіz anyq jettі. Qytaıdyń «Alibaba Group», «JD.COM» sııaqty ınternet alpaýyttarynyń osy saladaǵy tájіrıbesі men áleýetі orasan zor. Ortalyq Azııa elderіnіń naryqtaǵy básekede óz artyqshylyqtary bar. Osy oraıda, Qazaqstan Qytaıdyń іrі elektrondy saýda alańdaryn keńіnen paıdalanýdy usynady. Bul qadam ónіmderіmіzdі naryqqa bіrlese shyǵarý úshіn asa mańyzdy. JD.COM platformasynda Qazaqstannyń ulttyq pavılony ashylady. Bolashaqta ózara saýda-sattyǵymyz arta túsetіnі anyq. Bіz osyny eskere otyryp, jańa keden qoımalaryn ashýǵa belsene kіrіstіk. Osy oraıda serіktesterіmіzge taýaryn bіzdіń qoımalarymyzda saqtaýdy usynamyz. Munyń logıstıka turǵysynan alǵanda óte qolaıly ekenіn aıta ketken jón. Sonda Ortalyq Azııa men Qytaıdyń arasynda ekі baǵytta da taýar tasymaldaý merzіmіn azaıtýǵa múmkіndіk týady», – dedі Memleket basshysy.