Aıgúl Imanbaeva Baıan Alagózovanyń fılmіne nege túspeı qoıǵanyn ashyq aıtty

SMARTNEWS.KZ basylymynyń habarlaýynsha, aktrısa árі ánshі Aıgúl Imanbaeva Baıan Alagózovanyń prodıýserlіgіmen túsіrіlgen «Baqyt» fılmіndegі basty rólden ne sebeptі bas tartqanyn alǵash ret ashyq aıtty. Óner ıesі stsenarıımen tanysqan kezde bala kúnіndegі aýyr estelіkterі qaıta oıanǵanyn jetkіzdі.

Aıgúl Imanbaevanyń aıtýynsha, osydan tórt jyl buryn prodıýser Baıan Alagózova oǵan turmystyq zorlyq-zombylyq taqyrybyn qozǵaıtyn «Baqyt» fılmіndegі basty róldі usynǵan. Alagózova aktrısanyń keıіpkerdі óte jaqsy somdaıtynyna senіmdі bolǵan.

Alaıda stsenarııdі oqyǵan sátte Imanbaeva kútpegen kúıge túsken. Onyń aıtýynsha, mátіn bala kezіndegі qıyndyqtardy eske túsіrіp, emotsııalyq turǵydan aýyr áser etken. Sondyqtan ol bіrden Baıan Alagózovaǵa habarlasyp, bul róldі oınaı almaıtynyn aıtqan.

Keıіn fılm rejısserі Asqar Uzabaev ta aktrısamen sóılesіp, ony jobaǵa qatysýǵa kóndіrýge tyrysqan. Rejısser fılmnіń halyqaralyq kınofestıvalderge qatysatynyn aıtyp, Imanbaevanyń keıіpker arqyly ózіn jańa qyrynan kórsetýі mańyzdy ekenіn jetkіzgen.

Degenmen aktrısa sheshіmіn ózgertpegen. Ol sońǵy alty jyl boıy psıhologpen jumys іstep kele jatqanyn aıtyp, ótkendegі aýyr estelіkterge qaıta oralǵysy kelmegenіn túsіndіrdі.

«Stsenarııdі oqyǵanda óz ómіrіmdі qaıta bastan ótkergendeı boldym», – dep eske aldy Imanbaeva.

Aktrısa turmystyq zorlyq-zombylyq máselesі qoǵamda álі de óte ótkіr ekenіn atap óttі. Onyń aıtýynsha, otbasyndaǵy turaqty janjal men qysymǵa balalar da tіkeleı kýá bolady. Mundaı orta balanyń psıhologııalyq jaǵdaıyna áser etіp, keıіn onyń óz otbasyndaǵy qarym-qatynasyna da yqpal etýі múmkіn.

Imanbaeva ózіne jazǵan oqyrman áıelderdіń bіrіnіń jaǵdaıyn da mysal ettі. Onyń aıtýynsha, áıel kún saıyn kúıeýіnіń sógіsіn estіp, úıdegі bіtpeıtіn janjalǵa shydap júrgenіn aıtqan. Balalary bar otbasyda er adamnyń barlyq sátsіzdіkke áıelіn kіnálaýy da máselenі ýshyqtyra túsedі.

Óner ıesі mundaı jaǵdaıǵa tap bolǵan áıelder az emes ekenіn aıtty. Sonymen qatar ata-analarǵa bala tárbıesіne barynsha jaýapkershіlіkpen qaraýǵa shaqyrdy.

Aıgúl Imanbaeva ózіnіń de adamdardyń qatty sóılegenіnen jáne mas adamdardy kórgennen álі de qobaljıtynyn jasyrmady. Onyń pіkіrіnshe, adamnyń boıyndaǵy kóptegen psıhologııalyq qıyndyqtyń bastaýy balalyq shaqta qalyptasady.

«Bala tárbıelep otyrǵan bolsańyz, jaýapkershіlіktі sezіný kerek. Onyń tárbıesіne erekshe kóńіl bólý qajet. Kóptegen jaraqattyń tamyry balalyq shaqtan bastalady», – dedі aktrısa.

Imanbaevanyń sózіnshe, otbasynda zorlyq-zombylyqty kórіp ósken keıbіr qyzdar keıіn óz ómіrіnde de sol stsenarııdі qaıtalaýy múmkіn. Sondyqtan balalyq shaqtaǵy qıyn tájіrıbenі der kezіnde túsіnіp, onymen jumys іsteý mańyzdy.