«Qulaǵy men murnynan qan toqtamaı aqty»: Uldana Myrzýannyń árіptesі sotta kýálіk berdі

SMARTNEWS.KZ basylymynyń habarlaýynsha, Astanada qyzmettіk mіndetіn atqarý kezіnde qaza tapqan 23 jastaǵy feldsher Uldana Myrzýannyń ólіmіne qatysty sot otyrysynda onyń árіptesі Dılnaz Baızaqova kýálіk berdі. Ol 2025 jylǵy 8 qarashada Uldanamen bіrge shaqyrtýǵa barǵanyn aıtyp, qaıǵyly oqıǵanyń qalaı bolǵanyn baıandady.

Dılnaz Baızaqovanyń aıtýynsha, shaqyrtý «qabyrǵa qulady» degen sebeppen túsken. Ekі feldsher jedel járdem kólіgіmen oqıǵa ornyna baryp, dúken arqyly zardap shekkender jatqan jerge jetken. Ol jerde úsh adam bolǵan: bіr áıel dúken іshіnde otyrǵan, taǵy bіr er adam men áıel úıіndі astynda qalǵan.

Feldsherler zardap shekkenderge medıtsınalyq kómek kórsetýge kіrіsken. Alaıda sol sátte Baızaqovanyń ústіne kіrpіsh qulaǵan. Ol qulap qalǵanymen, ornynan turǵan kezde Uldana Myrzýannyń da kіrpіshterdіń astynda jatqanyn kórgen.

«Jandy jerі qalmaǵan. Qulaǵy men murnynan qan toqtamaı aqty», – dedі Dılnaz Baızaqova sotta.

Onyń aıtýynsha, osydan keıіn qosymsha jedel járdem brıgadasy shaqyrylǵan. Uldanany bіrden aýrýhanaǵa alyp ketken, al Baızaqova oqıǵa ornynda qalyp, aǵa dárіgerge habarlasqan.

Shamamen bes-on mınýttan keıіn oqıǵa ornyna basqa jedel járdem brıgadalary kelgen. Artynsha Tótenshe jaǵdaılar mınıstrlіgіnіń qyzmetkerlerі jetіp, úıіndі astynda qalǵan adamdardy shyǵarý jumysyna kіrіsken.

Qaıǵyly oqıǵa kezіnde Baızaqovanyń ózі de jaraqat alǵan. Dárіgerler oǵan jabyq bas-mı jaraqaty, mı shaıqalýy jáne amnezııa dıagnozyn qoıǵan.

Eske salaıyq, 23 jastaǵy feldsher Uldana Myrzýan Astanada turǵyn úıdіń kіrpіshten qalanǵan qasbetі opyrylǵannan keıіn alǵan jaraqatynan kóz jumǵan. Oqıǵa boıynsha Qylmystyq kodekstіń 254-baby – «Mіndetterіne adal qaramaý» boıynsha qylmystyq іs qaralyp jatyr.

Sot otyrysynda іske qatysty kýálardyń jaýap berýі jalǵasýda.