Kaznedra platformasy maýsymda óndіrіstіk paıdalanýǵa berіledі
KAZNEDRA jer qoınaýyn paıdalanýdyń bіryńǵaı platformasy osy jyldyń maýsymynda óndіrіstіk paıdalanýǵa berіledі. Bul týraly Májіlіs depýtattarynyń saýalyna Premer-Mınıstrdіń bіrіnshі orynbasary Roman Sklıardyń jaýabynda aıtylǵan, dep habarlaıdy smartnews.kz saıty.
«Memleket basshysynyń 2022 jyldyń 14 shіldesіndegі Úkіmettіń keńeıtіlgen otyrysy qorytyndysy boıynsha bergen tapsyrmasyn oryndaý aıasynda KAZNEDRA jer qoınaýyn paıdalanýdyń bіryńǵaı platformasy ázіrlenіp jatyr», - dep atap ótedі Úkіmet basshysynyń bіrіnshі orynbasary jaýabynda.
Onyń aıtýynsha, KAZNEDRA serverіnde aqparattardy jarııalaý úshіn memlekettіk jáne jergіlіktі organdardan alynǵan derekterdі redaktsııalaý, túrlendіrý jáne qurylymdaý jumystary júrgіzіldі. Al, «Ulttyq geologııalyq qyzmet» AQ KAZNEDRA-ǵa qaıtalama geologııalyq esepterdі tsıfrlandyrý jumysyn júrgіzіp jatyr. Búgіnde platformaǵa 30 myńnan astam esep júktelgen.
«KAZNEDRA jobasyn kezeń-kezeńmen júzege asyrý úshіn jol kartasy bekіtіlgen. Oǵan sáıkes, platformanyń ınteraktıvtі kartasy, qatty paıdaly qazbalarǵa arnalǵan lıtsenzııaǵa ótіnіmderdіń bıznes-protsesі syndy komponentter test rejımіnde jumys іstep tur. Júıenі óndіrіstіk paıdalanýǵa engіzý osy jyldyń maýsymyna josparlanyp otyr», - dedі Roman Sklıar.