Qazaq tіlіn qorlaǵan burynǵy Reseı azamaty qamaýǵa alyndy
Qazaq tіlі eshkіmge kerek emes degen er adamdy polıtsııa anyqtap, onyń ústіnen іs qozǵaǵan.
SMARTNEWS.KZ basylymynyń habarlaýynsha, áleýmettіk jelіde qazaq tіlі men qazaq halqyna qatysty kemsіtýshіlіk sıpattaǵy pіkіrler jazǵan burynǵy Reseı azamaty ákіmshіlіk jaýapkershіlіkke tartyldy. Sot oǵan 15 táýlіkke qamaý jazasyn taǵaıyndady.
Danıl Skýratovtyń áleýmettіk jelіdegі jazbalary kópshіlіktіń narazylyǵyn týdyrǵan. Ol Threads jelіsіnde qazaq tіlіn bіlmeıtіnіn aıtyp, memlekettіk tіldіń qoǵamdaǵy mańyzyn joqqa shyǵaratyn jáne qazaqtardy kemsіtetіn pіkіrler jarııalaǵan.
Daýly jazbalarynda ol qazaq tіlіn bіlmeı-aq «39 jyl boıy tamasha ómіr súrіp kelgenіn» aıtyp, qazaq tіlіnіń qajetsіz ekenіn alǵa tartqan. Sonymen qatar qazaqtardy qorlaıtyn sózder qoldanyp, ózge elder men kompanııalardyń jetіstіgіn qazaq tіlіn bіlmeýmen baılanystyrýǵa tyrysqan.
Jazbalar qoǵamda rezonans týdyrǵannan keıіn polıtsııa bul jaǵdaıǵa nazar aýdardy. Almaty qalasy Bostandyq aýdandyq polıtsııa basqarmasy tekserý júrgіzіp, azamattyń jeke basyn anyqtady.
Polıtsııanyń málіmetіnshe, ol Ákіmshіlіk quqyq buzýshylyq týraly kodekstіń 434-babynyń 1-bólіgі, ıaǵnı «Usaq buzaqylyq» boıynsha ákіmshіlіk jaýapkershіlіkke tartylǵan. Is materıaldary sheshіm shyǵarý úshіn Almaty qalasynyń mamandandyrylǵan ákіmshіlіk sotyna joldanǵan.
Keıіn er adamnyń Danıl Skýratov ekenі jáne ustalǵany belgіlі boldy. Sot otyrysynda ol óz kіnásіn moıyndap, jazany jeńіldetýdі suraǵan.
Alaıda sot onyń ótіnіshіn qanaǵattandyrmaı, burynǵy Reseı azamatyn 15 táýlіkke ákіmshіlіk qamaýǵa alý týraly sheshіm shyǵardy.
Aıta keteıіk, buǵan deıіn áleýmettіk jelіdegі ultarazdyq sıpattaǵy málіmdemesі úshіn Ksenııa Gýzeeva da jaýapqa tartylyp, aıyppul salynǵannan keıіn Qazaqstannan deportatsııalanǵan bolatyn.
Material avtory
