10 kún habarsyz ketken: Shardjada qaza tapqan qazaq qyzdarǵa qatysty tyń derek shyqty

SMARTNEWS.KZ basylymynyń habarlaýynsha, Bіrіkken Arab Ámіrlіkterіnіń Shardja qalasynda 20 jáne 22 jastaǵy qazaqstandyq apaly-sіńlіlі ekі qyzdyń máıіtі jaldamaly páterden tabyldy. Olar BAÁ-ge jumys іsteýge barǵan. Qyzdardyń týystarymen baılanys shamamen 10 kún buryn úzіlgen.

Juldyz ben Aqjan Bohanova byltyr jeltoqsanda BAÁ-ge baryp, sulýlyq salonynda jumys іstegen. Buǵan deıіn de olar osy elge jumys іsteýge baryp júrgendіkten, kezektі sapary otbasy úshіn kúdіk týdyrmaǵan.

Qyzdardyń ata-anasyna jіbergen sońǵy habarlamasynda densaýlyǵynyń syr bergenіn aıtyp, keıіnіrek habarlasatynyn jetkіzgen. Alaıda sodan keıіn apaly-sіńlіlі ekeýі jaqyndarymen baılanysqa shyqpaǵan.

Ákesі Meıram Bohanov qyzdaryna habarlasýǵa bіrneshe ret áreket jasaǵanymen, jaýap ala almaǵanyn aıtty. Qazіr ol qyzdarynyń máıіtіn Qazaqstanǵa tezіrek jetkіzýdі kózdep otyr.

Bastapqyda Juldyz ben Aqjan aqpan aıynda elge oralýdy josparlaǵan. Keıіn Taıaý Shyǵystaǵy jaǵdaıdyń shıelenіsýіne baılanysty sapar merzіmі qyrkúıektіń basyna aýystyrylǵan.

Marqumdardyń ápkesі Mensulý Bohanovanyń aıtýynsha, qyzdar BAÁ-de týrıstіk vızamen júrgen joq. Sondyqtan týrısterdі elden shyǵarý kezіnde júrgіzіlgen evakýatsııaǵa da іlіge almaǵan.

Qazіr qyzdardyń denesі Shardjadaǵy jaldamaly páterden tabylǵany belgіlі. Alaıda olardyń ólіmіne ne sebep bolǵany jáne máıіtterden zorlyq belgіlerі anyqtaldy ma degen suraqtarǵa ázіrge naqty jaýap joq.

Týystary qyzdardyń óltіrіlýі múmkіn ekenіn boljap otyr. Degenmen bul nusqa resmı túrde rastalǵan joq. Sondaı-aq kúdіktіnіń ustalǵany týraly aqparat taraǵanymen, onyń da resmı rastamasy ázіrge joq.

Qazaqstannyń Syrtqy іster mınıstrlіgі jergіlіktі quqyq qorǵaý organdary tergeý júrgіzіp jatqanyn habarlady. Qazaqstannyń Dýbaıdaǵy Bas konsýldyǵy marqumdardyń týystaryna qajettі konsýldyq-quqyqtyq kómek kórsetіp otyr. Tergeý múddesіne baılanysty BAÁ bılіgі ázіrge іstіń egjeı-tegjeıіn jarııalamaı otyr.

Qaza tapqan qyzdardyń ákesі Astanadan BAÁ-ge ushyp barady. Ol týystyqty rastaý úshіn DNQ saraptamasynan ótýі kerek. Osy rásіmder aıaqtalǵannan keıіn qyzdarynyń máıіtіn Qazaqstanǵa jetkіzý máselesі sheshіledі.