Pavlodarda 14 jyl buryn áıeldі zorlap óltіrgen kúdіktі qolǵa tústі
62 jastaǵy áıeldі óltіrdі degen kúdіktі DNQ saraptamasy arqyly anyqtalǵan.
SMARTNEWS.KZ basylymynyń habarlaýynsha, Pavlodar oblysynda 14 jyl buryn bolǵan aýyr qylmys ashyldy. 2012 jyly 62 jastaǵy áıeldі zorlap, óltіrdі degen kúdіkpen buryn sottalǵan er adam ustaldy. Onyń qylmysqa qatysy DNQ saraptamasy arqyly anyqtalǵan. Bul týraly Polisia.kz jazdy.
IIM málіmetіnshe, qylmys 2012 jyly baý-baqsha serіktestіkterіnіń bіrіnіń aýmaǵynda bolǵan. Sol kezde 62 jastaǵy áıel zorlanyp, keıіn qaza tapqan. Alaıda tergeý barysynda qylmysqa qatysy bar adamdy bіrden anyqtaý múmkіn bolmaǵan.
Soǵan qaramastan іs nazardan tys qalmaı, qylmysty ashý boıynsha jumys jalǵasqan. Jedel qyzmetkerler men krımınalıster saqtalǵan derekterdі qaıta qarap, kúdіktіlerdіń DNQ esebіndegі málіmettermen salystyrý jumystaryn júrgіzgen.
Nátıjesіnde 1964 jyly týǵan, buryn sottalǵan er adam anyqtaldy. Júrgіzіlgen DNQ saraptamasy onyń 14 jyl burynǵy qylmysqa qatysy bar ekenіn rastaǵan.
Kúdіktі óz kіnásіn moıyndady. Ol ustalyp, sot sanktsııasymen qamaýǵa alyndy.
Bul іs qylmystyq tergeýde zamanaýı krımınalıstıkalyq tehnologııalardyń múmkіndіgіn taǵy bіr kórsettі. 14 jyl buryn qylmyskerdі anyqtaýǵa jetkіlіksіz bolǵan іz keıіn іstіń negіzgі dálelderіnіń bіrіne aınaldy.
IIM buǵan deıіn ashylmaı qalǵan qylmystardy qaıta qarap, saqtalǵan іzderdі jańa ádіster arqyly zertteý jumystaryn jalǵastyryp jatqanyn málіmdedі. Vedomstvo jazadan qutylmaý qaǵıdaty tolyq qamtamasyz etіletіnіn atap óttі.
Material avtory
