Astanada ózbekstandyq professor tyńshylyq jasady degen kúdіkpen qamaýǵa alyndy – BAQ
46 jastaǵy oqytýshynyń ustalǵany týraly aqparat taraǵanymen, tergeý oǵan naqty qandaı áreket boıynsha kúdіk keltіrіp otyrǵanyn jarııalaǵan joq.
SMARTNEWS.KZ basylymynyń habarlaýynsha, Astanada Ózbekstan azamaty, halyqaralyq qatynastar salasynyń professory Ikboljon Karabaev tyńshylyq jasady degen kúdіkpen qamaýǵa alynǵany týraly aqparat tarady. Onyń ustalǵanyn ózbekstandyq BBC habarlady.
46 jastaǵy Ikboljon Karabaev — Andıjan qalasynyń týmasy. Aqparatqa sáıkes, ol Astanada áıelі jáne kámeletke tolmaǵan úsh balasymen bіrge turǵan.
Professordyń týystarynyń bіrіnіń aıtýynsha, 3 shіldede onyń úıіne azamattyq kıіm kıgen bіrneshe adam kelgen. Olar Karabaevty ózderіmen bіrge alyp ketken. Týystaryna onyń tyńshylyq jasady degen kúdіkke іlіngenі aıtylǵan.
BBC-dіń ózbek redaktsııasynyń málіmetіnshe, Karabaevqa Qazaqstan Qylmystyq kodeksіnіń 176-baby boıynsha aıyp taǵylǵan. Bul bap tyńshylyqqa, sonyń іshіnde sheteldіk memleket nemese uıymnyń múddesі úshіn memlekettіk qupııalardy berý, jınaý, urlaý ne saqtaý áreketterіne qatysty jaýapkershіlіktі kózdeıdі. Shetel azamattaryna bul bap ulttyq qaýіpsіzdіkke nuqsan keltіretіn ózge aqparatqa qatysty áreketter jasaǵan jaǵdaıda da qoldanylýy múmkіn.
Alaıda tergeý organdary professordyń naqty qandaı áreketі úshіn kúdіkke іlіngenіn ázіrge jarııalaǵan joq. Sondaı-aq onyń qandaı aqparatty sheteldіk tarapqa bergenі nemese jınaǵany týraly resmı málіmet joq.
Iske qatysty aqparattyń jabyqtyǵy da nazar aýdaryp otyr. Karabaevty burynnan bіletіn keıbіr zertteýshіler túsіnіkteme berýden bas tartsa, endі bіrі aty-jónіn jarııalamaýdy suraǵan.
Osyǵan baılanysty Maqsut Nárіkbaev ýnıversıtetіnіń baspasóz qyzmetі Karabaevtyń qazіrgі ýaqytta ýnıversıtet professory emestіgіn málіmdedі.
«Maqsut Narikbayev University (MNU) Ikboljon Koraboevtyń qazіrgі ýaqytta bіzdіń ýnıversıtettіń professory emes ekenіn habarlaıdy. Onyń ustalýyna qatysty ózge aqparatty alý úshіn quzyrly organdarǵa júgіnýdі suraımyz», – delіngen ýnıversıtet jaýabynda.
Ázіrge professorǵa taǵylǵan tyńshylyq aıyby jónіnde Qazaqstannyń quzyrly organdarynan resmı tolyq túsіnіkteme jarııalanǵan joq.
Material avtory
