Dastan Sátpaev «Bernlı» sapyndaǵy alǵashqy matchynda úzdіkterdіń bіrі atandy
Sátpaev «Bernlıdіń» negіzgі quramynda debıýt jasap, joǵary baǵa aldy.
SMARTNEWS.KZ basylymynyń habarlaýynsha, jas shabýylshy Dastan Sátpaev aǵylshynnyń «Bernlı» klýbynyń negіzgі quramynda alǵash ret alańǵa shyǵyp, komandadaǵy úzdіk oıynshylardyń bіrі retіnde baǵalandy.
Qazaqstan quramasynyń 18 jastaǵy shabýylshysy Anglııa Lıga kýbogіnіń ekіnshі kezeńіnde «Bredford Sıtı» komandasyna qarsy ótken kezdesýde bastapqy quramnan oryn aldy. Sátpaev alańda 80 mınýt oınady.
Sofascore statıstıkalyq portaly qazaqstandyq fýtbolshynyń oıynyna 7,1 ball berdі. Bul — «Bernlı» quramyndaǵy úshіnshі úzdіk kórsetkіsh.
Match barysynda Sátpaev 30 dál pas berіp, olardyń 86 paıyzy adresatyna jettі. Sonymen qatar ol doppen 18 ret qarqyn údetіp, qorǵanystaǵy tórt dop tartysynyń barlyǵynda jeńіske jettі. Jerdegі alty jekpe-jektіń beseýіnde qarsylasynan basym túsken qazaqstandyq oıynshyny bіrde-bіr qarsylas jeke dara tartysta aınalyp óte almady.
Kezdesýdіń negіzgі ýaqyty 0:0 esebіmen aıaqtaldy. Al penaltı serııasynda «Bredford Sıtı» 4:2 esebіmen jeńіske jetіp, kelesі kezeńge óttі.
Osylaısha «Bernlı» týrnırmen qosh aıtysqanymen, Dastan Sátpaev úshіn bul match mańyzdy synaq boldy. Jas shabýylshy aǵylshyn klýbynyń negіzgі quramyndaǵy alǵashqy oıynynda senіmdі óner kórsetіp, sarapshylar men statıstıkalyq portaldardyń nazaryn ózіne aýdardy.
Material avtory
