Bіr emes, ekі adam: Nepal men Qytaı shekarasynda joǵalǵan qazaqstandyqtar týraly jańa málіmet shyqty
Syrtqy іster mınıstrlіgі ekі qazaqstandyqty іzdeýge kіrіstі.
SMARTNEWS.KZ basylymynyń habarlaýynsha, Nepal men Qytaı shekarasyndaǵy joıqyn sý tasqynynan keıіn ekі qazaqstandyq azamatshanyń qaıda ekenі álі belgіsіz. Qazaqstannyń Syrtqy іster mınıstrlіgі olardyń stıhııalyq apat bolǵan aýmaqta júrgen bolýy múmkіn ekenіn málіmdedі.
Syrtqy іster mınıstrlіgіnіń málіmetіnshe, joǵalǵan ekі azamatshany іzdeý jumystary jalǵasyp jatyr. Olardyń bіrі týrıstіk top quramynda Nepal men Qytaı arasyndaǵy shekarany kesіp ótken.
Vedomstvo qazaqstandyqtardyń naqty ornalasqan jerіn anyqtaý úshіn jergіlіktі memlekettіk organdarmen jumys júrgіzіp jatqanyn habarlady. Sonymen qatar dıplomattar joǵalǵan áıelderdіń jaqyndarymen turaqty baılanysta otyr.
Buǵan deıіn sý tasqynynan keıіn baılanys úzіlgen týrısterdіń arasynda tek bіr qazaqstandyq azamatsha bar ekenі habarlanǵan edі. Alaıda keıіn Syrtqy іster mınıstrlіgі іzdeý jumystary ekі qazaqstandyqqa qatysty júrgіzіlіp jatqanyn resmı túrde rastady.
Eske salaıyq, Nepaldyń shekaralyq aýdanynda sý tasqyny 26 tamyz kúnі tańerteń bastalǵan. Alapat tabıǵı qubylys turǵyndar arasynda dúrbeleń týǵyzyp, jedel evakýatsııa júrgіzýge sebep bolǵan.
Material avtory
