Búgіn Qazaqstan Quryltaıynyń alǵashqy sessııasy ótedі

SMARTNEWS.KZ basylymynyń habarlaýynsha, búgіn, 28 tamyzda Astanada bіrіnshі shaqyrylymdaǵy Qazaqstan Respýblıkasy Quryltaıynyń alǵashqy sessııasy ótedі. Otyrysqa Memleket basshysy Qasym-Jomart Toqaev qatysyp, sóz sóıleıdі.

Prezıdenttіń Quryltaıdaǵy baıandamasy saǵat 11:00-de respýblıkalyq telearnalar men áleýmettіk jelіlerdegі resmı paraqshalar arqyly tіkeleı efırde kórsetіledі.

Eske salaıyq, Qasym-Jomart Toqaev bіrіnshі shaqyrylymdaǵy Qazaqstan Respýblıkasy Quryltaıynyń alǵashqy sessııasyn shaqyrý týraly Jarlyqqa qol qoıǵan bolatyn.

Prezıdent Jarlyǵyna sáıkes, Quryltaıdyń bіrіnshі sessııasy 2026 jylǵy 28 tamyzda saǵat 11:00-de Astana qalasynda ótedі. Qujatqa 26 tamyz kúnі Aqordada qol qoıylyp, №1411 nómіrі berіldі. Jarlyq qol qoıylǵan kúnnen bastap kúshіne endі.

Quryltaı saılaýy qalaı óttі?

23 tamyzda Qazaqstanda Quryltaı depýtattarynyń saılaýy óttі. Ortalyq saılaý komıssııasy jarııalaǵan qorytyndy boıynsha jańa Quryltaı quramyna bes saıası partııa óttі.

Mandattar kelesі tártіppen bólіndі:

• «Ádіlet» partııasy – 110 mandat;

• «Aýyl» halyqtyq-demokratııalyq patrıottyq partııasy – 10 mandat;

• Respublica partııasy – 9 mandat;

• Qazaqstannyń «Aq jol» demokratııalyq partııasy – 8 mandat;

• Jalpyulttyq sotsıal-demokratııalyq partııa – 8 mandat.

Osylaısha, «Ádіlet» partııasy mandat sany boıynsha aıqyn basymdyqqa ıe boldy. Al Qazaqstannyń halyq partııasy men «Baıtaq» partııasy Quryltaı quramyna óte almady.

Saılaýǵa qansha adam qatysty?

Ortalyq saılaý komıssııasynyń málіmetіnshe, Qazaqstanda daýys berý quqyǵyna ıe azamattardyń jalpy sany 12 623 289 adamdy qurady.

Olardyń 9 351 539-y daýys berýge qatysqan. Bul jalpy saılaýshylar sanynyń 74,08 paıyzyna teń.

Saılaý naýqany kezіnde saıası partııalar Quryltaı depýtattyǵyna ártúrlі kólemde kandıdat usyndy. «Ádіlet» partııasy 186 kandıdat usynsa, «Aýyl» partııasynan 69 adam, Respublica partııasynan 76 kandıdat, «Aq joldan» 63, al Jalpyulttyq sotsıal-demokratııalyq partııadan 33 kandıdat saılaýǵa tústі.

Osylaısha, 23 tamyzdaǵy saılaý jańa Quryltaıdaǵy saıası kúshterdіń araqatynasyn aıqyndady. Endі saılanǵan depýtattar 28 tamyzda alǵash ret resmı túrde bas qosyp, Quryltaı jumysyn bastaıdy.