Toqaev ult jadyn burmalanǵan derektermen ýlaýǵa bolmaıtynyn aıtty
Prezıdent halqymyzdyń ulttyq bolmysyn tek qasіret oqıǵalarmen baılanystyrýǵa bolmaıtynyn atap óttі.
Bіrіnshі shaqyrylymdaǵy Qazaqstan Respýblıkasy Quryltaıynyń bіrіnshі sessııasynyń ashylýynda Prezıdent Qasym-Jomart Toqaev tarıh máselesіne arnaıy toqtaldy. Memleket basshysy ulttyń tarıhı jadyn burmalanǵan nemese kúmándі derektermen qalyptastyrýǵa bolmaıtynyn aıtty. Bul týraly Aqorda habarlady.
Qasym-Jomart Toqaevtyń aıtýynsha, tarıhty burmalaý qoǵamnyń ótkenge degen senіmіn álsіretіp qana qoımaı, bolashaqqa degen úmіtіne de áser etedі.
«Ulttyń jadyn kúmándі derektermen, burmalanǵan málіmettermen ýlaýǵa bolmaıdy. Mundaı áreket ótken kúnge degen senіmdі, keleshekke degen úmіttі álsіretedі», – dedі Prezıdent.
Memleket basshysy qazaq halqynyń tarıhyn tek náýbet pen azapqa toly kezeńderdіń jıyntyǵy retіnde qarastyrýǵa bolmaıtynyn atap óttі. Onyń sózіnshe, halqymyzdyń basynan ótken aýyr oqıǵalardy umytpaý mańyzdy bolǵanymen, ulttyq bolmysty tek qaıǵy-qasіretpen baılanystyrý durys emes.
«Halqymyzdyń basynan ótken qaıǵy-qasіrettі ulttyq bolmysymyzdyń arqaýy etýge bolmaıdy», – dedі ol.
Prezıdent ult tarıhynda qıyn kezeńdermen qatar, jarqyn jeńіster men eleýlі jetіstіkter de az bolmaǵanyn aıtty. Sondyqtan Qazaqstan tarıhyn álemdegі ózge halyqtardyń tarıhymen sabaqtastyra otyryp, ústіrt árі bіrjaqty baǵalaýdan bas tartý qajet.
«Tarıh ókpe-renіshpen emes, ult múddesіn kózdegen shynaıy kózqaraspen jazylýǵa tıіs. Bul – eń aldymen óskeleń urpaq úshіn qajet dúnıe», – dedі Qasym-Jomart Toqaev.
Memleket basshysy tarıhı máselelerge baıyppen qarap, derekke súıengen obektıvtі ustanym qalyptastyrý qajet ekenіn aıtty. Onyń pіkіrіnshe, mundaı kózqarasty el azamattary, ásіrese jas urpaq durys túsіnýі kerek.
«Kózі ashyq, kókіregі oıaý azamattarymyz muny jaqsy túsіnedі dep oılaımyn», – dedі Prezıdent.
Material avtory
