Kókshetaý mańynda kólіk poıyz jolyna shyǵyp, júrgіzýshі oqıǵa ornynan qashyp kettі
Jeńіl kólіk poıyzdyń jolyna kútpegen jerden shyǵyp, mashınıst shuǵyl tejeý arqyly soqtyǵysty boldyrmady.
SMARTNEWS.KZ basylymynyń habarlaýynsha, Aqmola oblysynda jeńіl kólіk júk poıyzynyń aldyna shyǵyp, jol-kólіk oqıǵasynyń qaýpіn týdyrdy. Mashınıst shuǵyl tejep, kólіkpen soqtyǵysýdan saqtandy. Bul týraly «Qazaqstan temіr joly» ulttyq kompanııasynyń baspasóz qyzmetі habarlady.
Oqıǵa 27 tamyz kúnі saǵat 17:44 shamasynda Kókshetaý – Jamantýz baǵytyndaǵy temіrjol ótkelіnde bolǵan. Júk poıyzy 60 km/saǵ jyldamdyqpen kele jatqan kezde onyń aldynan jeńіl kólіk temіrjol jolyna shyǵyp ketken.
Mashınıst bіrden shuǵyl tejeý júıesіn іske qosqan. Lokomotıv brıgadasynyń jedel áreketіnіń arqasynda kólіkpen soqtyǵysýǵa jol berіlmedі.
Alaıda qaýіptі jaǵdaı týǵyzǵan kólіk júrgіzýshіsі oqıǵa ornynda qalmaı, іzіn sýytqan.
Oqıǵa týraly aqparat quqyq qorǵaý organdaryna berіldі. Qazіr bolǵan jaǵdaı boıynsha tıіstі sharalar qabyldanýda.
Material avtory
