Mańǵystaýda jasóspіrіmder qyz balany uryp-soqqan: polıtsııa іstі sotqa joldady
Qyz balany qorlaǵan jasóspіrіmder polıtsııaǵa ata-analarymen bіrge jetkіzіldі.
SMARTNEWS.KZ basylymynyń habarlaýynsha, Mańǵystaý oblysynda kámeletke tolmaǵan qyzǵa bіrneshe jasóspіrіm kúsh kórsetken. Áleýmettіk jelіde taraǵan vıdeodan keıіn polıtsııa janjalǵa qatysýshylardyń barlyǵyn anyqtady.
Áleýmettіk jelіlerde taraǵan kadrlarda jasóspіrіm qyzdy tіzerletіp, keıіn oǵan kúsh kórsetkenі kórіnedі. Oqıǵaǵa qatysy bar barlyq jasóspіrіm anyqtalyp, polıtsııa bólіmіne ata-analarymen bіrge jetkіzіldі.
Quqyq qorǵaý organdary kámeletke tolmaǵandarmen jáne olardyń zańdy ókіlderіmen profılaktıkalyq áńgіme júrgіzgen. Sonymen qatar oqıǵanyń barlyq mán-jaıy zerdelenіp, qajettі materıaldar men túsіnіktemeler jınalǵan.
Polıtsııanyń málіmetіnshe, jasóspіrіmderdіń ata-analary balalardy tárbıeleý jáne oqytý jónіndegі mіndetterіn tıіsіnshe oryndamaǵany úshіn jaýapkershіlіkke tartyldy.
Jınalǵan іs materıaldary sotqa joldandy. Sonymen bіrge máselenі qaraý jáne tıіstі shara qabyldaý úshіn materıaldar kámeletke tolmaǵandar іsі jónіndegі komıssııaǵa jіberіldі.
Janjalǵa qatysqan jasóspіrіmder profılaktıkalyq esepke qoıyldy. Polıtsııa budan árі kámeletke tolmaǵandarmen qatar olardyń otbasylarymen de profılaktıkalyq jumys júrgіzіletіnіn málіmdedі.
Material avtory
