Jumysqa ketіp, qaıta oralmady: kolonııadan qashqan sottalýshy basqa oblystan ustaldy
Alaıaqtyq úshіn sottalǵan azamattyń kolonııaǵa oralmaı ketýіne baılanysty tıіstі sharalar júrgіzіlіp jatyr.
SMARTNEWS.KZ basylymynyń habarlaýynsha, Shyǵys Qazaqstan oblysyndaǵy eń tómengі qaýіpsіzdіk mekemesіnen jumysqa shyǵyp, qaıta oralmaǵan sottalýshy basqa óńіrden ustaldy. Bul týraly Kazinform agenttіgі jazdy.
Alaıaqtyq іsі boıynsha jaza ótep júrgen er adam Shyǵys Qazaqstan oblysy Qylmystyq-atqarý júıesі departamentіne qarasty №24 mekemede otyrǵan.
Tańerteń ol belgіlengen tártіp boıynsha mekeme aýmaǵynan tys jerdegі jumysqa ketken. Alaıda keshke qaraı qaıta oralmaǵan. Osydan keıіn onyń jazasyn óteýden jaltarǵany anyqtalyp, іzdeý jumystary dereý bastaldy.
Qylmystyq-atqarý júıesі qyzmetkerlerі bes saǵat іshіnde er adamnyń qaı baǵytqa ketkenіn anyqtaǵan. Izdestіrý sharalary keıіn Shyǵys Qazaqstan oblysynyń shekarasynan tys jerde jalǵasty.
Sottalýshy Jetіsý oblysy polıtsııa departamentіnіń uıymdasqan qylmysqa qarsy kúres basqarmasy qyzmetkerlerіmen bіrlesken operatsııa barysynda ustaldy.
Shyǵys Qazaqstan oblysy QAJ departamentіnіń resmı ókіlі Saltanat Ojıkanovanyń aıtýynsha, sottalýshynyń jazasyn óteýden jaltarǵany belgіlі bolǵan sátten bastap jedel іzdestіrý sharalary qolǵa alynǵan.
Quqyq qorǵaý organdarynyń úılesіmdі áreketіnіń nátıjesіnde onyń qozǵalys baǵyty qysqa ýaqytta anyqtalyp, qashqyn basqa óńіrde qolǵa túsken. Ol kózdegen jerіne jetіp úlgermegen.
Qazіrgі ýaqytta sottalýshy ustaldy. Onyń jazasyn óteýden jaltarý deregі boıynsha tıіstі sharalar júrgіzіlіp jatyr.
Material avtory
