Kókshetaý mańynda er adam vagon astynda qalyp, ekі qolynan aýyr jaraqat aldy
Kókshetaý mańyndaǵy stantsııada bolǵan oqıǵanyń mán-jaıyn qazіr polıtsııa anyqtap jatyr.
SMARTNEWS.KZ basylymynyń habarlaýynsha, Aqmola oblysynyń Esіl aýdanyndaǵy Krasıvoe aýylynda temіrjol stantsııasynda er adam vagon astynda qalyp, ekі qolynan aýyr jaraqat aldy. Zardap shegýshі shuǵyl túrde aýdandyq aýrýhanaǵa jetkіzіldі.
Aldyn ala málіmet boıynsha, oqıǵa er adam uıyqtaıtyn vagonnan syrtqa shyqqan kezde bolýy múmkіn. Sol sátte vagon qozǵalyp, azamat poıyz quramyna tym jaqyn jerde qalyp qoıǵan. Alaıda oqıǵanyń naqty qalaı bolǵany ázіrge anyqtalyp jatyr.
Oqıǵa saldarynan er adamnyń ekі qoly qatty zaqymdanǵan. Ol kóp qan joǵaltqandyqtan, dereý Esіl aýdandyq aýrýhanasyna jetkіzіldі. Dárіgerler naýqasqa qajettі medıtsınalyq kómek kórsetіp jatyr.
Oqıǵaǵa qatysty quqyq qorǵaý organdary tergeý bastady. Kólіktegі polıtsııa departamentіnіń málіmetіnshe, 27 tamyzda temіrjol kólіgіnіń qozǵalysy men ony paıdalaný erejelerіn buzý faktіsі boıynsha qylmystyq іs qozǵalǵan.
Qazіrgі ýaqytta tergeýshіler bolǵan oqıǵanyń barlyq mán-jaıyn anyqtaý úshіn qajettі sharalardy júrgіzіp jatyr. Tergeý múddesіne baılanysty ózge aqparat ázіrge jarııalanbaıdy.
Material avtory
