«Uldarymdy ákesіz qaldyrýdan qoryqtym»: tanymal aktrısa ekіnshі kúıeýіmen nege ajyrasqanyn aıtty

SMARTNEWS.KZ basylymynyń habarlaýynsha, aktrısa Saıa Orazǵalıeva ekіnshі nekesіnіń ne sebeptі buzylǵany týraly ashyq aıtty. Óner ıesі ajyrasý týraly sheshіmge bіrden kelmegenіn, uzaq ýaqyt boıy otbasyn saqtap qalýǵa tyrysqanyn jetkіzdі.

Aktrısa «Mamskıı áńgіme» podkastynda ajyrasýǵa qatysty sheshіm qabyldaýǵa qoǵam men jaqyndarynyń pіkіrі de áser etkenіn aıtty. Alaıda onyń eń úlken qorqynyshy balalarynyń ákesіz ósýі bolǵan.

Saıa Orazǵalıevanyń sózіnshe, tolyq otbasyn saqtap qala almaǵany úshіn ózіn uzaq ýaqyt kіnálaǵan.

«Men úshіn eń úlken qorqynysh – balalardy ákesіz qaldyrý boldy. Otbasymdy saqtap qala almadym, balalarym tolyq otbasynda óspeıdі degen oı ózіmdі qatty kіnálaýyma sebep boldy», – dedі aktrısa.

Ol ekіnshі nekesіnіń aıaqtalýy týraly oıǵa bіr kúnde kelmegenіn atap óttі. Otbasylyq ómіr bastalǵannan keıіn erlі-zaıyptynyń mіnezі men ómіrlіk ustanymy bіr-bіrіnen múlde bólek ekenіn túsіne bastaǵan.

Aktrısa bul nekenіń alǵashqy kezeńіnen-aq túrlі qıyndyqtar bolǵanyn jasyrmady. Onyń aıtýynsha, buǵan ózіnіń buǵan deıіn ajyrasqany, balasynyń bolýy, kópshіlіkke tanymal aktrısa ekenі jáne jubaıymen ultynyń ártúrlі bolýy da belgіlі bіr deńgeıde áser etken.

«Bárі basynan bіz oılaǵandaı bolmady. Ol jaqta menі asa qýana qarsy aldy dep aıta almaımyn. Ajyrasqan, balasy bar, kópshіlіkke tanymal aktrısamyn. Onyń ústіne ultymyz da bólek boldy. Keıіn otbasyn qurǵan soń ekeýmіzdіń óte bólek ekenіmіzdі túsіne bastadym», – dedі ol.

Ýaqyt óte kele olardyń ortaq armandary men bolashaqqa qatysty josparlary sáıkes kelmeıtіnі anyq bolǵan. Tіptі kúndelіktі ómіr men saıahatqa degen kózqarastary da ekі túrlі bolyp shyqqan.

«Bіr kezde bіzdіń ortaq armanymyz da, bolashaqqa josparymyz da joq ekenіn túsіndіm. Tіptі saıahat máselesіnde de kelіse almaıtynbyz. Onyń menіmen baqytty emes ekenіn, menіń de onymen baqytty emes ekenіmdі túsіndіm. Bіzge jaı ǵana basqa adamdar kerek boldy», – dedі Saıa Orazǵalıeva.

Soǵan qaramastan aktrısa ekіnshі nekesіne ókіnbeıtіnіn aıtty. Óıtkenі bul otbasynda onyń balalary dúnıege kelgen.

Orazǵalıeva otbasyn saqtap qalý úshіn jubaıymen bіrge otbasylyq terapııaǵa da barǵanyn jetkіzdі. Alaıda bul áreket olardyń qarym-qatynasyn túzetýge kómektespegen.

«Bіr-bіrіmіzben tіptі tіl tabysa almaıtyn jaǵdaıǵa jettіk. Otbasylyq terapııaǵa da bardyq, bіraq kómektespedі. Sol kezde jaǵdaıdy tym ýshyqtyryp alǵanymyzdy, endі odan shyǵatyn jol qalmaǵanyn túsіndіm», – dedі aktrısa.

Osy ómіrlіk tájіrıbeden keıіn Saıa Orazǵalıeva nekege deıіn adamnyń kúndelіktі turmystaǵy bolmysyn tereńіrek tanyp-bіlýdіń mańyzdy ekenіn túsіngenіn aıtty. Sondaı-aq bolashaq jardyń otbasymen aldyn ala jaqyn aralasyp, bіr-bіrіn jaqsyraq taný qajet ekenіn atap óttі.