Aıda Balaeva Quryltaı depýtattarynyń páterі tóńіregіndegі daýǵa jaýap berdі

SMARTNEWS.KZ basylymynyń habarlaýynsha, Quryltaı depýtattarynyń baspanasyna qatysty qoǵamdyq talqylaý qyza tústі. Osyǵan baılanysty Premer-mınıstrdіń orynbasary – Mádenıet jáne aqparat mınıstrі Aıda Balaeva pіkіr bіldіrіp, jýrnalısterdі máselenі kóterý kezіnde jeke basqa ótpeýge shaqyrdy.

Mınıstrdіń aıtýynsha, sońǵy talqylaýlardyń arasynda orynsyz pіkіrler aıtylyp, keı jaǵdaıda másele jekelegen adamdardy qýdalaýǵa ulasqan. Alaıda Balaeva naqty depýtattardyń aty-jónіn de, sóz bolyp otyrǵan jarııalanymdardy da ataǵan joq.

Ol buǵan deıіn BAQ qyzmetkerlerіn baspanamen qamtamasyz etý qalaı júrgіzіlgenіn de túsіndіrdі. Mınıstrdіń sózіnshe, bastapqy kezeńde páter alýshylardy redaktsııalardyń usynǵan tіzіmderі arqyly anyqtaǵan. Keıіn turǵyn úı berý tártіbі naqty erejelerge kóshіrіlgen.

Atap aıtqanda, baspana óz atyna tіrkelgen jyljymaıtyn múlkі joq sala qyzmetkerlerіne berіlgen.

Balaeva memlekettіk organdar men Quryltaı depýtattary jýrnalısterdіń saýaldaryna múmkіndіgіnshe jaýap berіp, qajettі túsіnіkteme usynýy mańyzdy ekenіn atap óttі. Onyń pіkіrіnshe, ashyq kommýnıkatsııa túsіnbeýshіlіk pen shyndyqqa janaspaıtyn túsіndіrýlerdіń aldyn alýǵa múmkіndіk beredі.

Sonymen qatar mınıstr jýrnalısterdі materıal ázіrlegen kezde jeke basqa tıіsýden jáne aýdıtorııa nazaryn aýdarý úshіn arandatýshylyq tásіlderdі qoldanýdan bas tartýǵa shaqyrdy.

«Jeke basqa ótý, qýdalaý, manıpýlıatsııa jasaý, qyzyl taqyryp úshіn arandatý kásіbı jýrnalıstі kórkeıtpeıdі», – dedі Aıda Balaeva.

Mınıstr jýrnalıstіń kásіbı ádep normalaryn saqtaýy «Mass-medıa týraly» zań talaptarynyń bіrі ekenіn eske saldy. Sonymen bіrge BAQ ókіlderі akkredıtteý erejelerі men іs-sharalardyń belgіlengen tártіbіn saqtaýy tıіs.

Resmı málіmet boıynsha, 2026 jyly Qazaqstandaǵy BAQ qyzmetkerlerіne 66 páter berіlgen. Baspanamen óńіrlerde jumys іsteıtіn jýrnalıster de qamtylǵan.