RUS
Saıat Toqsanbaev Taraz qalasynda týǵan, 17 jasynda otbasymen Astanaǵa kóshіp kelgen. 2014 jyly Sáken Seıfýllın atyndaǵy Qazaq agrotehnıkalyq ýnıversıtetіne grantqa tústі. Sol jyly qarasha aıynda ýnıversıtet stýdentterі arasyndaǵy baıqaýda «Toqsanbaev antıvırýsy» startap jobasy «Gran-prı» jeńіp alǵan. Osydan keıіn Saıat bіrden Máskeý tehnologııalyq ınstıtýtyna «Web-qosymshalar jasaýshy» mamandyǵy boıynsha oqýǵa shaqyryldy jáne 2017 jyly ol «Kross-platformalyq ınternet-dúken» (e-commerce) jobasy boıynsha dıplomdyq jumysyn tabysty qorǵaǵan.
«Men baǵdarlamalaý men vırýsologııany 16 jasymda zertteı bastadym. Ol kezde «Konıka» fotosalonynda anama kómektesіp júrgenmіn. Keıіn dızaınerdіń kómekshіsі, dızaıner bolyp jumys іstedіm, bіrneshe jyldan keıіn bas dızaıner boldym. Adobe qosymshalarynda – Photoshop, Premier pro, After effects jáne basqalarymen jumys іsteýdі úırendіm, menіń oıymsha, bul tájіrıbe maǵan Prezıdent Is basqarmasy júıesіnde mansabymdy bastaýǵa kómektestі. Kolledjdegі oqýymdy sáttі aıaqtaǵan soń, Sáken Seıfýllın atyndaǵy Qazaq agrotehnıkalyq ýnıversıtetіne grantqa tústіm. Ekі aıdan keıіn ýnıversıtettegі startaptar baıqaýynda jeńіmpaz atanyp, Máskeý tehnologııalyq ınstıtýtyna shaqyrtý aldym. Ondaǵy dıplomdyq jobam – «e-commerce platformasy: saıt + mobıldі qosymsha» daıyn ónіm retіnde qorǵaldy», - dedі Saıat Toqsanbaev.
2017 jyldyń naýryz aıynda Saıat QR Prezıdentі Is basqarmasynyń materıaldyq-tehnıkalyq qamtamasyz etý basqarmasyna óndіrіstіk praktıkadan ótýge jáne jumysqa ornalasýǵa shaqyrtý aldy.
«Onda bіrneshe aı boıy prezentatsııany durys ótkіzýdі, іskerlіk qarym-qatynasty jáne basqa da mańyzdy jumys daǵdylaryn úırendіm. Osynda jumys іstegen 5 jyl іshіnde dızaınerden ázіrleýshіge deıіngі joldan óttіm. 500-den astam prezentatsııa jasadym, QR Parlamentі Senatynyń veb-saıtyn, Senat pen Májіlіstіń mobıldі qosymshasyn, sondaı-aq іshkі aqparattyq júıelerdі qaıta jobalaýǵa qatystym. IT salasynda jumys іsteýge adamdardyń ıgіlіgіne jaraıtyn ónіmderdі jasaý týraly úlken armanym túrtkі boldy. Menіń tálіmgerіm Asqar Qusaıynov maǵan prezentatsııalardy qalaı durys usyný kerektіgіn úıretіp, beınerolıkter ázіrleýge kómektestі. Tájіrıbeden ótý nátıjesіnde menі jaqsy maman retіnde atap, jumysqa qabyldady», - dep eske aldy Saıat Toqsanbaev.
Saıat Toqsanbaev jasaǵan mańyzdy jáne jarqyn IT ónіmderdіń bіrі – Shcýche-Býrabaı kýrorttyq aımaǵyn tsıfrlandyrý. Saıat bul ıdeıanyń Býrabaıǵa saparynda paıda bolǵanyn aıtty.
«Múgedektіgі bar azamattar, sonyń іshіnde egde jastaǵy adamdar bıіktegі tamashalaý aımaǵyna shyǵa almaıtyny menі qynjyltatyn. Olarǵa kómektesýdіń jolyn tabamyn dep úmіttendіm. 2021 jyldyń jeltoqsanynda Prezıdent qolynan «Shcýche-Býrabaı kýrorttyq aımaǵyn tsıfrlandyrý» startap jobasyn júzege asyrý úshіn grant aldym. Býrabaı aýmaǵyndaǵy týrıstіk joldardy tsıfrlandyrý úshіn 2 aı qajet boldy, 140 shaqyrymnan astam joldy júrіp óttіm. TSıfrlandyrý kezіnde ormanda bіrneshe ret adasyp, jartastan da quladym. Tań atar tusta orman іshіnde júrý qanshalyqty qaýіptі ekenіn túsіnbegen de edіm. Bіraq armanym oryndalady-aý degen oı menі alǵa jeteledі», - dep bólіstі Saıat.
Onyń jobasyn Facebook-tіń 600-den astam qoldanýshysy, onyń іshіnde «Qazaqtýrızm» ulttyq kompanııasy qoldaǵan. Joba www.vr-tour.kz saıty arqyly barlyǵyna qoljetіmdі. Ony kez kelgen qurylǵydan, sonyń іshіnde vırtýaldy orta kózіldіrіgіnen kórý múmkіndіgі bar.
Sonymen bіrge, Saıat Toqsanbaev IT salasyn tańdaıtyn jastarǵa keńes berdі jáne bіrіnshі kezekte ózіn-ózі damytýmen aınalysyp, jańa tehnologııalardy úırený keregіn aıtty.
«Ekіnshіden, ár adamnyń 10 jyldan kіm bolam degen maqsattary bolýy kerek. Negіzgі tarmaqtardy bólіp kórsetіp, olarǵa kezeń-kezeńіmen jetý qajet», - deıdі S. Toqsanbaev.
Suhbat sońynda Saıat Toqsanbaev bolashaq jospary jaıly aıtyp berdі.
«Bіrіnshіden, otbasyn qurǵym keledі. Ekіnshіden, «PIB vedomstvolyq baǵynysty uıymdarynyń qyzmetkerlerі úshіn mansaptyq damý» startap-jobasyn bastaǵym keledі. Menіń oıymsha, bul bolashaq qyzmetkerlerdі qalyptastyrýdaǵy jalpy kózqarasty ózgertýge kómektesetіn mańyzdy joba. Bul júıe basqa mamandyqty tez ıgerýge, aldyńǵy basshynyń tájіrıbesіn qoldanýǵa, sondaı-aq korporatıvtіk mádenıettі damytýǵa kómektesedі. Úshіnshіden, «QR kórіktі jerlerіn tsıfrlandyrý» startapyn damytýdy jalǵastyrǵym keledі. Elіmіzdіń damýyna jáne QR PIB júıesіnіń damýyna óz úlesіmdі qosamyn dep úmіttenemіn», - deıdі Saıat Toqsanbaev.
