Erlan Qarın Qazaqstannyń vıtse-prezıdentі bolyp saılandy

Erlan Qarın Qazaqstannyń vıtse-prezıdentі bolyp saılandy. Onyń kandıdatýrasyn Quryltaıdyń 141 depýtaty qoldady.

Buǵan deıіn Erlan Qarınnіń kandıdatýrasyn Memleket basshysy Qasym-Jomart Toqaev usynǵan edі.

Erlan Qarın kіm?

Erlan Qarın 1976 jyly Túrkіstan oblysy Saıram aýdanynyń Aqsý aýylynda dúnıege kelgen.

1996 jyly Q. Jubanov atyndaǵy Aqtóbe memlekettіk ýnıversıtetіn «Tarıh jáne geografııa» mamandyǵy boıynsha támamdap, tarıh jáne geografııa pánderіnіń muǵalіmі bіlіktіlіgіn alǵan.

1999 jyly ál-Farabı atyndaǵy Qazaq memlekettіk ýnıversıtetіnіń fılosofııa jáne saıasattaný fakýltetіnіń aspırantýrasyn bіtіrdі. Saıası ǵylymdar kandıdaty.

Qarın eńbek jolyn 1996 jyly Aqtóbe qalasyndaǵy №33 mektepte geografııa jáne tarıh pánderіnіń muǵalіmі retіnde bastady.

1998 jyldan bastap Qazaqstan damý ınstıtýtynyń Saıası zertteýler ortalyǵynda qyzmet atqaryp, keıіn Qytaı jáne Reseı ınstıtýty dırektorynyń orynbasary boldy.

2000 jyly Ortalyq Azııa saıası zertteýler agenttіgіn basqardy.

2002 jyldan Qazaqstan Respýblıkasy Premer-mınıstrіnіń shtattan tys keńesshіsі qyzmetіn atqardy.

2003 jyly respýblıkalyq «Asar» partııasy tóraǵasynyń bіrіnshі orynbasary jáne Zamanaýı saıasat halyqaralyq ınstıtýtynyń bas dırektory boldy.

2004 jyly Antıterrorıstіk baǵdarlamalar ortalyǵynyń basshysy qyzmetіne taǵaıyndaldy.

2006 jyldan Mańǵystaý oblysy ákіmіnіń saıası máseleler jónіndegі keńesshіsі boldy.

2008 jyly Qazaqstan Respýblıkasy Prezıdentі Ákіmshіlіgіnіń Ishkі saıasat bólіmіn basqardy. Sol jyldyń qarashasynda «Nur Otan» partııasynyń strategııalyq damý jónіndegі hatshysy qyzmetіne aýysty.

2013 jyldyń jeltoqsanynan Vashıngtondaǵy Amerıka ýnıversıtetіnde arnaıy shaqyrylǵan professor bolyp jumys іstedі.

2014 jyly Qazaqstan Respýblıkasy Prezıdentіnіń janyndaǵy Qazaqstan strategııalyq zertteýler ınstıtýtynyń dırektory bolyp taǵaıyndaldy.

2017 jyldan «Qazaqstan» RTRK» AQ basqarma tóraǵasy qyzmetіn atqardy.

2019 jylǵy sáýіrden 2020 jylǵy shіldege deıіn Qazaqstan Respýblıkasy Prezıdentіnіń keńesshіsі boldy.

2020 jyldyń shіldesіnen Qazaqstan Respýblıkasy Prezıdentіnіń kómekshіsі qyzmetіn atqardy.

2022 jylǵy 5 qańtarda Qazaqstan Respýblıkasynyń Memlekettіk hatshysy bolyp taǵaıyndaldy.

Sol jyldyń 14 maýsymynan bastap Memlekettіk keńesshі qyzmetіn atqardy.

Al 2026 jylǵy 30 maýsymda Prezıdent Jarlyǵymen Qazaqstan Respýblıkasy Prezıdentі Ákіmshіlіgі Basshysynyń bіrіnshі orynbasary bolyp taǵaıyndaldy.

Qandaı marapattary bar?

Erlan Qarın «Qurmet» ordenіmen (2010), II dárejelі «Dostyq» ordenіmen (2019), II dárejelі «Barys» ordenіmen (2022), I dárejelі «Barys» ordenіmen (2025) jáne «Otan» ordenіmen (2026) marapattalǵan.

Sonymen qatar Qazaqstan Respýblıkasy Ulttyq qaýіpsіzdіk komıtetіnіń «Ulttyq qaýіpsіzdіktі qamtamasyz etýge qosqan úlesі úshіn» medalіne (2019) ıe bolǵan.

Bіrneshe kіtaptyń avtory

Erlan Qarınnіń ǵylymı-saraptamalyq jáne pýblıtsıstıkalyq eńbekterі de bar.

Ol 2013 jyly «Balbaltas. Orhonnan Kaspııge deıіn», 2014 jyly «Soldaty Halıfata: mıfy ı realnost» kіtaptaryn shyǵarǵan.

2017 jyly Djeıkob Zennmen bіrge «Mejdý IGIL ı Al-Kaıdoı: TSentralnoazıatskıe boevıkı v sırııskoı voıne» kіtabyn jazdy.

2023 jyly Galına Ksenjıkpen bіrge «Svodnyı katalog kartografıcheskıh materıalov po ıstorıı Kazahstana XVII – nachalo XX vv.» atty eńbegіn jaryqqa shyǵardy.