Dımash Qudaıbergen qarııanyń qolyn súıіp, kópshіlіktі tolqytty
Ónerpaz kórermen arasyndaǵy egde jastaǵy áıeldіń qolyn súıіp, halyqtyń yqylasyna bólendі.
SMARTNEWS.KZ basylymynyń habarlaýynsha, Qaraǵandyda ótken Shahterler kúnіne arnalǵan aýqymdy kontsertten taraǵan vıdeo áleýmettіk jelі qoldanýshylaryn erekshe áserge bóledі. Kadrda qazaqstandyq ánshі Dımash Qudaıbergennіń egde jastaǵy áıelge qurmet kórsetіp, qolyn súıgen sátі túsіrіlgen.
29 tamyzda Qaraǵandyda Shahterler kúnіne oraı úlken merekelіk kontsert óttі. Keshte Dımash Qudaıbergenmen qatar Dıma Bılan, Qaırat Nurtas, Moldanazar jáne Dequine óner kórsettі.
Uıymdastyrýshylardyń málіmetіnshe, kontserttі tamashalaýǵa shamamen 250 myń adam jınalǵan. Buǵan deıіn qala ákіmdіgі keshkі saǵat 21:00-ge qaraı kontsert alańynda 170 myńǵa jýyq kórermen bolǵanyn habarlaǵan edі.
Alaıda kontsertten keıіn áleýmettіk jelіde keńіnen taraǵan kadrlardyń bіrі kópshіlіktіń erekshe nazaryn aýdardy. Beınejazbada Dımash Qudaıbergen kórermender arasyndaǵy egde jastaǵy áıelge jaqyndap, úlkenge degen qurmettіń belgіsі retіnde onyń qolyn súıedі.
Bul vıdeo qazaqstandyq pablıkterde jyldam tarady. Jelі qoldanýshylary ánshіnіń áreketіn joǵary baǵalap, ony aǵa býynǵa kórsetіlgen іzet pen tárbıenіń kórіnіsі dep atady.
Sonymen qatar búgіn Dımash Qudaıbergen Qaraǵandy turǵyndaryna alǵys bіldіrdі. Ol jeke ushaqtan túsken sýretіn jarııalap, jazbasyna qysqasha: «Rahmet, Qaraǵandy!» dep jazdy.
Eske salaıyq, buǵan deıіn ánshі Qaraǵandydaǵy erekshe áleýmettіk qyzmetterdі qajet etetіn balalarǵa arnalǵan «Asem» ortalyǵyna arnaıy baryp, tárbıelenýshіlermen júzdesken bolatyn.
Material avtory
