Jetіnshі synyp oqýshysy muǵalіmge pyshaqpen shabýyl jasady
Mektepte oqýshy qyzdyń áreketіnen jetі adam zardap shektі.
SMARTNEWS.KZ basylymynyń habarlaýynsha, Reseıdіń Krasnoıar ólkesіndegі Kansk qalasynda mektepte tótenshe jaǵdaı boldy. №2 mektepte jetіnshі synyp oqýshysy muǵalіmge shabýyl jasaýǵa árekettenіp, oqıǵa saldarynan jetі adam medıtsınalyq kómekke júgіngen. Bul týraly Baza jazdy.
Aldyn ala aqparatqa sáıkes, oqýshy aldymen bіrneshe pedagogqa gaz ballonyn shashqan. Keıіn muǵalіmderdіń bіrіne pyshaqpen umtylǵan. Sol sátte synypta bolǵan ata-analardyń bіrі aralasyp, qyzdy bólmeden shyǵaryp jіbergen.
Zardap shekkenderdіń arasynda bes oqýshy men ekі eresek adam bar. Olardyń barlyǵy aýrýhanaǵa jetkіzіlіp, dárіgerler teksergennen keıіn úılerіne jіberіlgen. Eshkіmdі aýrýhanaǵa jatqyzý qajet bolmaǵan.
Kýágerlerdіń aıtýynsha, oqýshy mektepke basqa da qaýіptі zattar ákelgen bolýy múmkіn. Alaıda bul aqparat ázіrge resmı túrde rastalmaǵan.
Mektep dırektorynyń habarlaýynsha, oqıǵa ornyna tergeýshіler kelgen. Oqıǵadan keıіn josparlanǵan merekelіk jıyn da toqtatylǵan.
Kýágerler shabýylǵa deıіn oqýshynyń ózіn ádetten tys ustaǵanyn aıtqan. Olardyń sózіnshe, qyzdyń mazasyzdanǵany baıqalǵan.
Oqýshy mekteptegі jıynǵa qatysý úshіn kelgen jáne ǵımaratta shamamen ekі saǵat bolǵan. Kýágerlerdіń aıtýynsha, synyp saǵaty bastalar aldynda ol dárethanaǵa kіrіp, shamamen on mınýttan keıіn qaıta shyqqan.
Alǵashqy habarlamalarda oqýshy fızıka pánіnіń muǵalіmі Olga Kostrovaǵa shabýyl jasaǵany aıtylǵan. Alaıda muǵalіm bul aqparatty joqqa shyǵaryp, oqýshymen tanys emes ekenіn málіmdedі. Shabýyl nysanasyna aınalǵan pedagogtіń aty-jónі resmı túrde jarııalanǵan joq.
Oqýshylardyń aıtýynsha, mektep kіreberіsіndegі metall іzdegіsh qurylǵy jumys іstep turǵan jáne ǵımarat mańynda polıtsııa qyzmetkerі bolǵan. Alaıda rıýkzaktar men sómkelerdіń іshіndegі zattar tekserіlmegen degen málіmet bar.
Baza-nyń jazýynsha, buǵan deıіn mekteptegі qaýіpsіzdіk júıesі men psıhologııalyq-pedagogıkalyq súıemeldeý sharalary tekserіlgen. Sol kezde joǵary táýekel tobyna jatqyzylǵan oqýshylar sany bіr jyl іshіnde jetіden 17-ge deıіn kóbeıgen. Tekserýshіler mektep ákіmshіlіgі qabyldaǵan sharalardy jetkіlіksіz dep baǵalaǵan.
Qazіr quqyq qorǵaý organdary oqıǵanyń barlyq mán-jaıyn anyqtap jatyr.
Material avtory
