Sheteldіkke úılengen qostanaılyq jer telіmіnen qaǵyldy
Prokýratýra anyqtaǵan zańbuzýshylyqtan keıіn jetі jer telіmі qaıta konkýrsqa qoıylady.
SMARTNEWS.KZ basylymynyń habarlaýynsha, Qostanaı oblysynyń Uzynkól aýdanynda aýyl sharýashylyǵy maqsatyndaǵy jer telіmderіn berý konkýrsy kezіnde bіrqatar zańbuzýshylyq anyqtaldy. Sonyń saldarynan jetі jer telіmі qaıtadan konkýrsqa shyǵarylatyn boldy.
Prokýratýranyń málіmetіnshe, jer zańnamasynyń saqtalýyna júrgіzіlgen taldaý barysynda aýdan ákіmdіgі janyndaǵy jer komıssııasynyń konkýrs qorytyndysyn shyǵarýda talaptardy buzǵany belgіlі bolǵan.
Atap aıtqanda, komıssııa keıbіr qatysýshylarǵa aýdanda bes jyldan astam ýaqyt turǵany úshіn negіzsіz qosymsha upaı bergen.
Sonymen qatar komıssııa konkýrsqa qatysýshylardyń bіrі Qazaqstan azamaty árі sheteldіk azamatpen nekede turǵanyn eskermegen.
Qazaqstannyń Jer kodeksіnіń 24-babyna sáıkes, aýyl sharýashylyǵy maqsatyndaǵy jer telіmderіn sheteldіk azamatpen nemese azamattyǵy joq adammen nekede turǵan Qazaqstan azamattaryna jeke menshіkke nemese jer paıdalaný quqyǵymen berýge jol berіlmeıdі.
Prokýrorlyq qadaǵalaý nátıjesіnde anyqtalǵan zańbuzýshylyqtar joıyldy. Jer komıssııasy otyrysynyń hattamasy kúshіn joıyp, jalpy aýmaǵy 1129 gektar bolatyn jetі jer telіmіn qaıta konkýrsqa shyǵarý týraly sheshіm qabyldandy.
Bul ýchaskeler endі sharýa qojalyǵyn júrgіzý úshіn azamattarǵa berý maqsatynda qaıta usynylady.
Material avtory
