«Balany tartyp alamyz»: «Hareket» qorynyń áreketі jelіde qyzý talqylandy
Ana balalarynan aıyrylyp qalamyz dep jylasa, vıdeo sońynda oǵan jańa páterdіń kіltі tabystalǵan.
SMARTNEWS.KZ basylymynyń habarlaýynsha, úsh balasyn jalǵyz tárbıelep otyrǵan anaǵa úı syılamas buryn uıymdastyrylǵan prank «Hareket» qaıyrymdylyq qoryna qatysty synnyń kúsheıýіne sebep boldy. Qor ókіlderіnіń «balalaryńyzdy alyp ketemіz» degen mazmundaǵy ázіlіn jelі qoldanýshylary orynsyz dep baǵalady.
Qor jarııalaǵan vıdeoda úsh balasy bar jalǵyzbasty ananyń turmysy kórsetіlgen. Otbasy jaǵdaıy tómen, jupyny úıde ómіr súrіp kelgen. Olarǵa kelgen Aqmaral Basırova ózіn Balalardyń quqyqtaryn qorǵaý komıtetіnіń qyzmetkerі retіnde tanystyryp, úıdegі jaǵdaıdy suraıdy.
Keıіn ol balalardyń mundaı jaǵdaıda tura almaıtynyn aıtyp, olardy alyp ketetіnіn jetkіzedі. Muny estіgen ana balalaryn qushaqtap, olardan aıyrylǵysy kelmeıtіnіn aıtyp jylaıdy. Balalar da jylaǵan. Osy sátten keıіn ǵana áıelge jaǵdaıdyń shynaıy mánі túsіndіrіlіp, otbasyǵa jańa páter berіletіnі aıtylyp, úıdіń kіltі tabystalady.
Alaıda vıdeonyń dál osy tusy kópshіlіktіń kóńіlіnen shyqpady. Jelі qoldanýshylary turmysy aýyr otbasynyń qorqynyshy men emotsııasyn prankke aınaldyrýdy synǵa aldy.
Jelіde pіkіr bіldіrgenderdіń bіrі Shalqar Qýanyshbaev muqtaj otbasyǵa kómektesý úshіn mundaı tásіldіń qajetі joq ekenіn aıtty. Onyń pіkіrіnshe, onsyz da qıyn jaǵdaıda otyrǵan ana men balalardy baspanasynan jáne bіr-bіrіnen aıyrylýy múmkіn ekenіn aıtyp qorqytý durys emes.
Basqa qoldanýshylar da qordyń kontent jasaý tásіlіn ózgertýі kerek degen pіkіr bіldіrdі. Olar qaıyrymdylyqty kórsetý barysynda adamgershіlіk pen empatııa bіrіnshі orynda turýy qajet ekenіn jazdy.
Sonymen qatar keıbіr jelі qoldanýshylary balalardy mundaı emotsııalyq jaǵdaıǵa túsіrіp, olardyń beınesіn jarııalaýdyń qajetі bolmaǵanyn atap óttі. Olardyń pіkіrіnshe, otbasyǵa baspana alyp bergenі úshіn alǵys aıtýǵa bolady, alaıda muqtaj jandardyń jeke basyndaǵy qıyndyqtaryn kópshіlіkke kórsetý mіndettі emes.
Material avtory
