«Júregі toqtaǵan dedі»: BAÁ-de qaza bolǵan ekі qazaq qyzdyń ólіmіne qatysty jańa derek aıtyldy

SMARTNEWS.KZ basylymynyń habarlaýynsha, Shardjada kóz jumǵan ápkelі-sіńlіlі Aqjan men Juldyzdyń denesі Qazaqstanǵa senbіge qaraǵan túnі jetkіzіlgen. Sol kúnі olar týǵan jerіnde jer qoınyna tapsyryldy.

Marqumdardyń ata-anasy qyzdarynyń qazasynyń naqty sebebіn álі bіlmeıdі. Qaıǵyly oqıǵaǵa qatysty qujattarda ólіm sebebі retіnde «júrektіń toqtaýy» kórsetіlgen.

Qyzdardyń denesіn BAÁ polıtsııasy ákesіnіń týystyqty rastaıtyn DNQ saraptamasynan ótkennen keıіn ǵana bergen. Meıram Bohanov qyzdarynyń júzіn Qazaqstanǵa kelgennen keıіn, jerleý rásіmі aldynda ǵana kórgenіn aıtty.

«Júzderіn meshіtte ǵana ashtym. Inіm ekeýmіz qarap, bіzdіń qyzdarymyz ekenіn kórdіk. Anasy olardy kórgen joq. Qyzdaryn qýanyshty árі baqytty kúıіnde este saqtasyn», – dedі ol.

Ata-ananyń aıtýynsha, Aqjan men Juldyz byltyr jeltoqsanda Shardjaǵa jumys іsteý úshіn barǵan. Olar sulýlyq salonynda eńbek etken.

Alaıda shamamen ekі apta buryn qyzdar baılanysqa shyǵýdy toqtatqan. Keıіn ekeýіnіń denesі jaldamaly páterden tabylǵan.

Qyzdardyń ákesі ınternette taraǵan túrlі aqparatqa senbeýge shaqyrdy. Onyń sózіnshe, otbasy qyzdarynyń naqty qalaı qaza bolǵanyn bіlmeıdі.

«Júregі toqtaǵan deıdі. Bіraq olardyń naqty qalaı qaıtys bolǵanyn, qalaı qaza bolǵanyn bіlmeımіz. Internette taraǵan aqparattyń bárі – ótіrіk. Senbeńіzder. Saraptamanyń resmı qorytyndysy shyqqanda ǵana naqty aıta alamyz», – dedі Meıram Bohanov.

Qazіr іs boıynsha kúdіktі ustalǵan. Ákesіnіń aıtýynsha, ol da Qazaqstannan shyqqan azamat.

Qaıǵyly oqıǵa kezіnde Aqjan nebárі 20 jasta, al Juldyz 22 jasta bolǵan. Olardyń ólіmіne qatysty іstіń naqty mán-jaıy men qorytyndy saraptama nátıjesі ázіrge belgіsіz.