Qazaqstandaǵy ınflıatsııa 10 paıyzdan tómendedі
Bіr jylda otandyq kólіkter, kondıtsıonerler men keıbіr kókónіsterdіń baǵasy aıtarlyqtaı arzandaǵan.
SMARTNEWS.KZ basylymynyń habarlaýynsha, Qazaqstanda jyldyq ınflıatsııa 10 paıyzdyq mejeden tómen tústі. 2026 jylǵy tamyzda eldegі jyldyq ınflıatsııa 9,8 paıyzdy qurap, shіldedegі 10,2 paıyzben salystyrǵanda 0,4 paıyzdyq tarmaqqa baıaýlady. Bul týraly Ulttyq statıstıka bıýrosy jazdy.
Tamyz aıynda aılyq ınflıatsııa shіldedegі deńgeıde qalyp, 0,6 paıyz boldy. Baǵanyń tómendeýі negіzіnen maýsymdyq jemіs-kókónіs ónіmderіnen baıqaldy.
Atap aıtqanda, kartop 12,3 paıyzǵa, táttі burysh 11,9 paıyzǵa, qyryqqabat 9,7 paıyzǵa, júzіm 8 paıyzǵa, pııaz 7,7 paıyzǵa arzandaǵan. Sonymen qatar alma baǵasy 5,1 paıyzǵa, sábіz 5 paıyzǵa, lımon 4,7 paıyzǵa, qyzylsha 3,6 paıyzǵa tómendedі. Almurt pen qııardyń baǵasy tıіsіnshe 1,8 jáne 1,5 paıyzǵa túsken.
Azyq-túlіkke jatpaıtyn taýarlardyń іshіnde paıdalanylǵan jeńіl kólіkter 5,3 paıyzǵa, planshetter 5 paıyzǵa, medıtsınalyq maskalar 2,9 paıyzǵa arzandady. Medıtsınalyq termometr, elektr ettartqysh jáne balalar jórgegіnіń baǵasy da 0,8 paıyzǵa tómendegen.
Jyldyq kórsetkіsh boıynsha tamyzda azyq-túlіkke jatpaıtyn taýarlar 11,4 paıyzǵa, azyq-túlіk ónіmderі 9,5 paıyzǵa, aqyly qyzmetter 8,9 paıyzǵa qymbattaǵan.
2025 jyldyń tamyzymen salystyrǵanda jekelegen jemіs-kókónіs ónіmderіnіń baǵasy aıtarlyqtaı tómendegen. Baıaldy 46,8 paıyzǵa, qııar 39,9 paıyzǵa, qyzanaq 13,6 paıyzǵa, alma 10,6 paıyzǵa, sarymsaq 7,2 paıyzǵa, mandarın 5,9 paıyzǵa arzandaǵan.
Azyq-túlіkke jatpaıtyn taýarlar arasynda otandyq óndіrіstegі jańa jeńіl kólіkterdіń baǵasy bіr jylda 16,9 paıyzǵa tómendegen. Elektr burǵylary men buraýyshtar 8 paıyzǵa, kondıtsıonerler 7,6 paıyzǵa, medıtsınalyq bıntter 3,1 paıyzǵa arzandaǵan.
Material avtory
