«Jumys» usynyp, esіrtkі bıznesіne salǵan: Qazaqstanda halyqaralyq qylmystyq jelі ustaldy
Qylmyskerler ınternettegі tartymdy vakansııalar arqyly operatorlar, HR-mamandar, hımıkter men kýrerlerdі іzdep, olardy halyqaralyq esіrtkі bıznesіne tartqan.
Qazaqstanda azamattardy jalǵan jumys usynystary arqyly halyqaralyq esіrtkі bıznesіne tartqan qylmystyq jelіnіń áreketі toqtatyldy. Qylmystyq top ınternet arqyly call-ortalyq operatorlary, HR-menedjerler, hımıkter, kýrerler, esіrtkі «jasyrynatyn oryndaryna» jetkіzýshіler, logıster men qoıma qyzmetkerlerіn іzdegen.
Arnaıy operatsııa bіr jyldan astam ýaqytqa sozylyp, bіrneshe memlekettі qamtyǵan. Oǵan Qazaqstan men Ýkraına quqyq qorǵaý organdary, Albanııa polıtsııasy, Interpol jáne AQSh-tyń Esіrtkіge qarsy kúres basqarmasy qatysqan.
MVD málіmetіnshe, qylmystyq jelіnі 36 jastaǵy shetel azamaty uıymdastyrǵan. Qazaqstannyń Ishkі іster mınıstrlіgі operatsııanyń negіzgі kezeńderіne, sonyń іshіnde tsıfrlyq dálelderdі taldaýǵa, jelі múshelerіn anyqtaýǵa, tіntý júrgіzіp, kúdіktіlerdі ustaýǵa qatysqan.
Myńdaǵan tsıfrlyq dálel qylmystyq jelіnіń іzіn ashqan
Ýkraınadaǵy qylmystyq árekettі qujattaý barysynda quqyq qorǵaý organdary jalǵan jumysqa qabyldaý ortalyqtarynda 26 tіntý júrgіzgen.
Nátıjesіnde shamamen 4 myń tsıfrlyq dálel tárkіlengen. Olardy taldaý arqyly Telegram jelіsіnde jumys іstegen 31 esіrtkі dúkenі anyqtalyp, qylmystyq shemany uıymdastyrýshylar men oǵan tartylǵan júzdegen adam áshkerelengen.
Olardyń Qazaqstan aýmaǵynda esіrtkі taratýmen baılanysy bar-joǵy da tekserіlgen.
Kıevte 70, Qazaqstanda taǵy 15 tіntý júrgіzіldі
Mamyr aıynda Qazaqstan IIM ókіlderіnіń qatysýymen Kıev pen Kıev oblysynda 70 tіntý júrgіzіlgen. Operatsııa barysynda jalǵan jumysqa qabyldaý ortalyqtarynyń qyzmetі toqtatylyp, qylmystyq qaýymdastyqtyń 27 belsendі múshesі anyqtalǵan.
Shіlde aıynda quqyq qorǵaý organdary jumysty Qazaqstan aýmaǵynda jalǵastyrdy. Ýkraına polıtsııasynyń qatysýymen taǵy 15 tіntý júrgіzіlіp, el aýmaǵynda esіrtkі satýǵa kúdіktі jelі múshelerі ustaldy.
Qylmystyq jumystan shyqqysy kelgenderdі uryp-soqqan
IIM málіmetіnshe, qylmystyq toptyń іshіnde qatań tártіp ornaǵan. Esіrtkі bıznesіnen ketkіsі kelgen adamdarǵa aıyppul salynǵan, olardy uryp-soǵyp, keı jaǵdaıda zańsyz ustap otyrǵan.
«Tartymdy vakansııalardyń artynda jumysqa ornalasý emes, adamdy esіrtkі bıznesіne tartý turǵan. Oǵan kіrgen adamǵa keıіn bul qyzmetten shyǵýǵa múmkіndіk bermegen», – dedі IIM esіrtkі qylmysyna qarsy іs-qımyl komıtetі tóraǵasynyń orynbasary Qýandyq Áljanov.
Onyń aıtýynsha, qylmystyq qurylymda ár adamnyń mіndetі naqty bólіngen.
Arnaıy operatsııa kezіnde esіrtkі men myńdaǵan orama tárkіlendі
Operatsııanyń sońǵy kezeńіnde Ýkraınadaǵy bes oblys pen Kıevte taǵy 35 tіntý júrgіzіlgen.
Nátıjesіnde azamattardy qylmystyq qyzmetke tartýmen aınalysqan halyqaralyq jelіnіń ekі býyny joıyldy.
Quqyq qorǵaý organdary sıntetıkalyq esіrtkі aralasqan 24 kelі qospa, 3,5 myńnan astam daıyn orama jáne shamamen 2 myń oralǵan paket tárkіledі.
Jetі adam ustaldy. Taǵy toǵyz qatysýshyǵa qylmystyq іs boıynsha aıyp taǵylǵan.
IIM tergeýdіń álі aıaqtalmaǵanyn málіmdedі. Qazіr quqyq qorǵaý organdary halyqaralyq jelіnіń uıymdastyrýshylary men basqa da qatysýshylaryn anyqtap jatyr.
Material avtory
