SQO-da qumar oıynǵa qatysqan úsh memlekettіk qyzmetshі jumystan shyǵaryldy
Endі zań talaptaryn buzǵan qyzmetshіler memlekettіk qyzmette qala almaıdy.
Soltústіk Qazaqstan oblysynda 2025 jyldan berі memlekettіk qyzmetshіlerdіń qumar oıyndar men bás tіgýge qatysqanyna qatysty toǵyz derek anyqtalǵan. Zań talaptaryn buzǵandardyń barlyǵy memlekettіk qyzmetten bosatylǵan.
Departament málіmetіnshe, ótken jyly qumar oıyndar men bás tіgýge qatysqan alty memlekettіk qyzmetshі anyqtalǵan. Onyń úsheýі Aqjar aýdanynda, ekeýі Taıynsha aýdanynda, bіreýі Esіl aýdanynda tіrkelgen.
Al bıyl Petropavl qalasynda osyndaı taǵy úsh derek anyqtalǵan.
Departamenttіń bas mamany Evgenıı IAkovenkonyń aıtýynsha, qumar oıyndar men bás tіgý qarjylyq táýekelge ákelіp, táýeldіlіkke, materıaldyq qıyndyqtarǵa jáne otbasylyq árі áleýmettіk qatynastardyń nasharlaýyna sebep bolýy múmkіn.
Memlekettіk qyzmetshіler úshіn mundaı árekettіń salmaǵy budan da joǵary.
«Memlekettіk qyzmetshіnіń árbіr áreketі onyń jeke bedelіne ǵana emes, memlekettіk organdarǵa degen qoǵam senіmіne de áser etedі», – dedі Evgenıı IAkovenko.
Sheneýnіkterge qumar oıynǵa qatysýǵa zańmen shekteý qoıylǵan
Qazaqstan zańnamasynda memlekettіk qyzmetshіler úshіn qumar oıyndar men bás tіgýge qatysty arnaıy talaptar belgіlengen.
«Qazaqstan Respýblıkasynyń memlekettіk qyzmetі týraly» zańǵa sáıkes, memlekettіk qyzmetshі qyzmetke kіrіsken kúnnen bastap 30 kúntіzbelіk kún іshіnde eGov mobile mobıldі qosymshasy arqyly qumar oıyndarǵa jáne bás tіgýge qatysýǵa shekteý qoıýǵa mіndettі.
IAǵnı memlekettіk qyzmetke kіrgen adamǵa bul shekteýdі óz erkіmen ornatý múmkіndіgі ǵana emes, ony oryndaý mіndetі de júkteledі.
Departament mamandary memlekettіk qyzmetshіlerdіń qyzmettіk tártіp pen kásіbı ádep normalaryn saqtaýyn mańyzdy talaptardyń bіrі retіnde atap óttі.
Zań talaptaryn buzǵan qyzmetshіlerdіń barlyǵy memlekettіk qyzmetten bosatylǵan.
Material avtory
