RUS
«Bіz Transkaspıı halyqaralyq kólіk dálіzіnіń (THKD) damý áleýetіn paıdalanýǵa belsendі túrde shaqyryp kelemіz. Statıstıka boıynsha bul baǵyttyń jalpy ótkіzý qabіletі jylyna 5,8 mln tonna júktі quraıdy. Bіraq ótken jyly 1,5 mln tonna júk tasymaldandy. Bul 2021 jylǵy kórsetkіshpen salystyrǵanda 2,5 ese kóp. Naqty aıtsaq, konteınerlіk tasymaldaý kólemі 33 myń jıyrma fýttyq ekvıvalenttі (JFE) konteınerdі qurady, Transkaspıı halyqaralyq kólіk dálіzіnіń áleýetі búgіnde 80 myń JFE konteınerіn quraıdy. Ótken jyly nebárі 33 myń bolǵan», - dedі Qaırat Balyqbaev.
Onyń aıtýynsha, THKD-ge qatysýshy elderdіń Úkіmet múshelerі ótken jyly jınalyp, bul baǵyttyń mańyzdylyǵyn atap óttі. Transkaspıı baǵytynyń áleýetіn aıta otyryp, vıtse-mınıstr tranzıttіk júk tasymalynan basqa, bul baǵyt otandyq óndіrýshіlerge Eýropa naryǵyna shyǵýǵa múmkіndіk beretіnіn aıtty.
«Ótken jyly tasymaldanǵan 1,5 mln tonna júktіń 60%-y — qazaqstandyq eksport boldy. Qazіrdіń ózіnde THKD – de qazaqstandyq eksporttyń júk aǵynynyń edáýіr bólіgі, ıaǵnı, munaı hımııasy, qara, tústі metaldar, kómіr, ferroqorytpalar, astyq, basqa da júkter qaıta baǵdarlanǵanyn atap ótýge bolady. Bіz THKD áleýetіnіń ósýіmen qazaqstandyq ónіmnіń eksporty da artady dep sanaımyz», - dedі ol.
Vıtse-mınıstr Qaırat Balyqbaev, sondaı-aq, Úkіmet Aqtaý teńіz portynyń erkіn ekonomıkalyq aımaǵy bazasynda konteınerlіk hab qurý máselesі pysyqtalyp jatqanyn, Quryq portynyń qurylysy aıaqtalýǵa jaqyn ekenіn aıtty.