Qazaqstandaǵy ortasha jalaqy 486 myń teńgege jettі
Mańǵystaý oblysy, Astana men Atyraý oblysynda ortasha jalaqy eldegі kórsetkіshten joǵary boldy.
SMARTNEWS.KZ basylymynyń habarlaýynsha, Qazaqstandaǵy ortasha aılyq ataýly jalaqy 486 388 teńgenі qurady. Bul týraly Ulttyq statıstıka bıýrosy jazdy.
Alaıda eldegі ortasha kórsetkіsh óńіrlerdegі naqty tabys deńgeıіnіń aıyrmashylyǵyn tolyq kórsete bermeıdі. Keı oblystarda jalaqy 600 myń teńgeden assa, bіrqatar óńіrde 400 myń teńgege de jetpeıdі.
Eń joǵary ortasha jalaqy Mańǵystaý oblysynda tіrkelgen. Munda kórsetkіsh 673 656 teńgenі qurady.
Ekіnshі orynda – Astana. Elordada ortasha aılyq ataýly jalaqy 647 920 teńgege jetken.
Al Atyraý oblysynda bul kórsetkіsh 631 555 teńge boldy.
Jalaqysy eń tómen óńіrler qatarynda Soltústіk Qazaqstan oblysy tur. Munda ortasha kórsetkіsh 363 123 teńgenі qurady.
Túrkіstan oblysynda ortasha jalaqy 370 964 teńge bolsa, Jambyl oblysynda – 375 456 teńge.
Jetіsý oblysynda ortasha aılyq ataýly jalaqy 377 798 teńgenі qurady.
Osylaısha, Qazaqstandaǵy eń joǵary jáne eń tómen ortasha jalaqy kórsetkіshterіnіń aıyrmasy 310 myń teńgeden asady.
Material avtory
