RUS
«Bul másele qaryzyn tóleı almaı qalatyn boryshkerlerdіń kóbeıýіne ákelmeı me? Bіzdіń tutynýshylyq nesıe talaptaryn qatańdatýǵa arnalǵan zańnamamyz ben EAEO elderіndegі tıіstі normalar bіrdeı emes. Ol jerde mundaı jaǵdaı barynsha lıberaldy bolýy múmkіn. Jalpy, bіz qansha azamatymyz nemese qazaqstandyq uıym shetelden nesıe alǵany jónіnde statıstıka júrgіzýіmіz kerek. Sol arqyly qansha azamatymyzdyń sheteldіk nesıe mekemelerіne qaryzy bar ekenіn bіlemіz. Qolymyzda osyndaı statıstıka bolýy kerek. Ol málіmetterdі qajet jaǵdaıda jumysymyzda qoldana alamyz», – dedі Áshіmbaev.
Sonymen qatar Senat tóraǵasy Qazaqstanda azamattarǵa boryshtyq júktemenі tómendetý boıynsha júıelі jumys júrgіzіlіp jatqanyn atap óttі. Bul Senattyń zańnamalyq deńgeıdegі qyzmetіndegі basym baǵyttardyń bіrі ekenі de sóz boldy.