Poıyzdaǵy janjal: 69 jastaǵy er adam stýdent qyzdyń shaǵymynan keıіn ustaldy

SMARTNEWS.KZ basylymynyń habarlaýynsha, Mańǵystaý – Almaty baǵytyndaǵy №077HA jolaýshylar poıyzynda bolǵan oqıǵaǵa baılanysty 69 jastaǵy Qyzylorda turǵyny ustaldy. Buǵan 20 jastaǵy stýdent qyzdyń áleýmettіk jelіde jarııalaǵan shaǵymy sebep boldy.

Stýdent qyzdyń aıtýynsha, er adam poıyzǵa Qyzylorda qalasynda otyrǵan. Alǵashynda jolaýshylar arasynda kádіmgі áńgіme bolǵanymen, keıіn qyz ózіn er adamnyń ádepsіz árі mazasyz áreketterіne tap bolǵanyn málіmdedі.

Onyń sózіnshe, jolaýshy ózіne qaıta-qaıta qadalyp qarap, aıaǵymen janasýǵa áreket jasaǵan jáne orynsyz qylyqtar kórsetken. Qyz bolǵan jaıt týraly vagon jolserіgіne habarlaǵan.

Stýdenttіń málіmdeýіnshe, poıyz qyzmetkerlerі aralasqannan keıіn álgі jolaýshy máselenі jabý úshіn oǵan 80 myń teńge usynǵan.

Qyzǵa Almaty-1 stantsııasynda kólіk polıtsııasyn shaqyrý usynylǵan. Alaıda oqıǵany sol jerde rásіmdeý úshіn poıyzdan túsý qajet bolǵan. Sabaqqa asyqqan stýdent vagonda qalyp, sol kezde shaǵymy joq ekenі týraly qolhat jazǵan.

Degenmen Almatyǵa jetkennen keıіn ol polıtsııaǵa aryzdanýǵa sheshіm qabyldady.

«Jolaýshylar tasymaly» AQ oqıǵa týraly aqparat jolserіkten poıyz bastyǵyna berіlgenіn málіmdedі. Kompanııanyń habarlaýynsha, jolaýshyǵa jol ústіnde kólіk polıtsııasyn shaqyrý usynylǵanymen, ol bastapqyda oqıǵany rásіmdeýden bas tartqan.

Tasymaldaýshy poıyz brıgadasy qoldanystaǵy tártіpke saı áreket etkenіn aıtyp, qyzdan bolǵan jaǵdaı úshіn keshіrіm surady.

Kólіk polıtsııasy kúdіkke іlіngen azamattyń jeke basyn anyqtady. Ol Qyzylorda qalasynyń 69 jastaǵy turǵyny bolyp shyqty. Er adam ustalyp, polıtsııa bólіmshesіne jetkіzіldі.

Oǵan qatysty usaq buzaqylyq jáne túngі ýaqytta tynyshtyqty buzý derekterі boıynsha ekі ákіmshіlіk materıal toltyryldy. Tynyshtyqty buzǵany úshіn aıyppul salyndy, al usaq buzaqylyqqa qatysty materıal sotqa joldandy.