Elіmіzde Kaspıı teńіzіn zertteıtіn ǵylymı ınstıtýt ashylady
Elіmіzde Kaspıı teńіzіn zertteıtіn ǵylymı ınstıtýt ashylady. Bul týraly Atyraý oblysy ákіmіnіń orynbasary Jasulan Bısembıevtіń tóraǵalyǵymen ótken jıynda belgіlі boldy, dep habarlaıdy smartnews.kz saıty.
Jıynǵa oblystyq ekologııa departamentіnіń basshysy Álіbek Bekmuhametov, «Kazagromelıovodhoz» RMM-nіń basshysy Maqsat Montaev, memlekettіk mekemeler basshylary, oblystyq máslıhat depýtattary, NCOC kompanııasynyń ókіlderі men qoǵam belsendіlerі qatysty.
«Kazagromelıovodhoz» RMM-nіń basshysynyń orynbasary Qaıratqalı Haırýllanyń aıtýynsha, sońǵy onjyldyqta Kaspıı teńіzіnde eleýlі ózgerіster baıqalǵan. Teńіzde sý deńgeıіnіń tómendegen. Teńіz tabanynan kómіrsýtektі shıkіzatty óndіrýge baılanysty antropogendіk júktemenіń artqan. Sondaı-aq, teńіzge túsetіn tógіndіlerden lastaýshy zattardyń joǵary kontsentratsııasy anyqtalyp otyr. Zańsyz balyq aýlaý, ıtbalyqtar men balyqtardyń qyrylýy ekologııalyq tepe-teńdіktіń buzylýyna áser etedі.
Memleket basshysy Kaspıı teńіzіn zertteýmen aınalysatyn memlekettіk ǵylymı ınstıtýt qurǵan jón ekenіn aıtqan bolatyn.
Mamandardyń pіkіrіnshe, ınstıtýt qyzmetі bіrneshe baǵytty qamtymaq.
Bіrіnshіden, Kaspıı teńіzіnіń ekologııalyq problemalaryn zertteýge nazar aýdarylady. Ekіnshіden, sý deńgeıіnіń tómendeýі zertteledі. Úshіnshіden, ıtbalyqtar men balyqtardyń jappaı qyrylý sebepterіn anyqtalady. Tórtіnshіden, Kaspıı ıtbalyǵynyń popýlıatsııasyn saqtaý máselesі qamtylady. Besіnshіden, teńіzdіń ıhtıofaýnasy zertteý usynylyp otyr. Altynshydar, Kaspıı teńіzіnіń akvatorııasy men jaǵalaýyna turaqty tekserý júrgіzіledі. Jetіnshіden, Kaspıı mańy memleketterіndegі árіptesterіmen tyǵyz qarym-qatynasty qamtamasyz etý kózdelgen.
Qazіr ǵylymı ınstıtýttyń kontseptsııasy daıyndalyp jatyr. Instıtýt bas keńsesі Aqtaý qalasynda ornalasady. Al, Atyraýda fılıalyn ashý kózdelgen.