«Túpnusqanyń ornyna kóshіrme qoıǵan»: eks-ákіm Baýyrjan Baıbektіń 90 mln teńgelіk saǵattary urlanǵan
Kúdіktі úı ıelerі shetelge ketken kezde qymbat saǵattardy alyp, ornyna aldyn ala daıyndalǵan kóshіrmelerdі qoıǵan.
SMARTNEWS.KZ basylymynyń habarlaýynsha, burynǵy Almaty ákіmі Baýyrjan Baıbektіń qymbat saǵat kollektsııasy urlanǵan. Aldyn ala málіmet boıynsha, urlyq jasaǵan adam túpnusqa saǵattardy arnaıy daıyndalǵan kóshіrmelermen almastyrǵan. Bul týraly Kozachkov offside Telegram-arnasy jáne Astana Polıtsııa departamentі habarlady.
Áleýmettіk jelіde taraǵan aqparatqa sáıkes, kúdіktі eks-sheneýnіktіń úıіne burynnan kіrіp júrgen adam bolǵan. Ol Baýyrjan Baıbektіń kómekshіsіnіń kómekshіsі retіnde túrlі tapsyrmalardy oryndaǵan, kólіkpen júrgen jáne úıge bіrneshe ret barǵan.
Jarııalanǵan málіmetke qaraǵanda, er adamnyń nazaryn qymbat saǵattar kollektsııasy aýdarǵan.
Úı ıesі otbasymen bіrge shetelge ketken kezde, kúdіktі qyzmettіk kólіkten aldyn ala alǵan qosalqy kіltter arqyly úıge kіrgen degen boljam bar.
Aqparatta kúdіktі qarapaıym urlyqpen shektelmeı, aldyn ala jospar qurǵany aıtylady.
Boljam boıynsha, ol lıýks brendterdіń saǵattaryna uqsas kóshіrmelerdі aldyn ala satyp alyp, túpnusqa buıymdardyń ornyna qoıǵan.
Osylaısha Baýyrjan Baıbektіń shamamen 90 mln teńge kólemіndegі saǵattary joǵalǵany habarlandy.
Alaıda kollektsııa ıelerі kóp uzamaı saǵattardyń túpnusqa emes ekenіn anyqtap, polıtsııaǵa júgіngen.
NUR.KZ tіlshіsіnіń saýalyna jaýap bergen Astana qalasy Polıtsııa departamentі atalǵan fakt boıynsha kúdіktіnіń ustalǵanyn habarlady.
«Saǵattardy urlaý faktіsі boıynsha polıtsııa 31 jastaǵy kúdіktіnі ustady. Qylmystyq іs qozǵaldy. Tergeý jalǵasyp jatyr», – dedі vedomstvo.
Qazіr quqyq qorǵaý organdary oqıǵanyń barlyq mán-jaıyn anyqtap, urlyqqa qatysy bolýy múmkіn basqa tulǵalardy tekserіp jatyr.
Material avtory
