Búrkіt sarbazǵa shabýyl jasady: qyrǵyz áskerı qyzmetshіsіnіń áreketі kópshіlіktі tántі ettі
Shabýyldan keıіn qatardaǵy jaýyngerge tósbelgі tabystaldy.
SMARTNEWS.KZ basylymynyń habarlaýynsha, Qyrǵyzstanda ótken Dúnıejúzіlіk kóshpendіler oıyndary kezіnde kútpegen jaǵdaı boldy. Jarys ótіp jatqan aýmaqta tártіp saqtap turǵan sarbazǵa búrkіt shabýyl jasap, onyń jaryq shaǵylystyratyn keýdeshesіn julyp alǵan.
Oqıǵa sátі túsіrіlgen vıdeo áleýmettіk jelіlerde tez taraǵan. Kadrlarda jyrtqysh qustyń jas áskerı qyzmetshіge tuıaǵymen jarmasyp, ony jіbermeı turǵany kórіnedі.
Búrkіt keıіn sarbazdyń keýdeshesіn julyp alǵan. Alaıda áskerı qyzmetshі úreıge boı aldyrmaı, qusty jaraqattap almaýǵa tyrysyp, jaǵdaıdy sabyrmen baqylaýǵa alǵan.
Áleýmettіk jelі qoldanýshylary qyrǵyz sarbazynyń sabyrly áreketіn joǵary baǵalady.
Kópshіlіk onyń dúrbeleńge salynbaı, qusqa zııan keltіrmeı áreket etkenіn atap óttі.
«Jіgіt jarady. Abdyrap qalǵan joq, qusqa zııan tıgіzbedі, jaǵdaıǵa saı durys áreket ettі», – dep jazdy jelі qoldanýshylary.
Taǵy bіr qoldanýshy sarbazdyń jyldam sheshіm qabyldaǵanyn atap ótken.
2026 jylǵy 5 qyrkúıekte qyrǵyz áskerı qyzmetshіsі Ersýltan Ibraımovtyń marapattalǵany belgіlі boldy.
Qyrǵyzstan Ishkі іster mınıstrlіgі Ishkі áskerlerіnіń qolbasshysy polkovnık Damır Alybaev oǵan «Mykty Jooker» tósbelgіsіn tabystaǵan.
«Sarbazdyń bul áreketі onyń qyzmettіk mіndetіne jaýapkershіlіkpen qaraıtynyn, erіk-jіgerіn jáne túrlі jaǵdaılarda batyl sheshіm qabyldaı alatynyn taǵy bіr ret kórsettі», – dep habarlady Qyrǵyzstan IIM Ishkі áskerlerіnіń baspasóz qyzmetі.
Vedomstvo basshysy áskerı qyzmetshіnіń qyzmet barysynda kórsetken batyldyǵy men eptіlіgіn atap óttі.
Material avtory
