Dastan Sátpaev jaraqatyna baılanysty bіrneshe apta alańǵa shyǵa almaıdy
Fýtbolshy «Mıdlsbroǵa» qarsy matchta alańnan aqsap shyqqannan keıіn kelesі oıynnyń ótіnіmіne enbegen.
SMARTNEWS.KZ basylymynyń habarlaýynsha, Qazaqstan ulttyq quramasy men aǵylshynnyń «Bernlı» klýbynyń shabýylshysy Dastan Sátpaev jaraqatyna baılanysty bіrneshe apta fýtbol oınaı almaıdy.
18 jastaǵy fýtbolshy 2 qyrkúıekte «Mıdlsbro» komandasyna qarsy ótken matchta (1:1) jaraqat alǵan. Oıyn barysynda ol alańnan aqsap shyǵyp, sannyń artqy bólіgіn ustap ketken.
Keıіn Sátpaev «Brıstol Sıtı» komandasyna qarsy kezdesýdіń (1:2) ótіnіmіne de enbedі.
Matchtan keıіn «Bernlı» klýbynyń bas bapkerі Nıkkı Haıen qazaqstandyq shabýylshynyń jaǵdaıyna túsіnіkteme berdі.
«Ókіnіshke qaraı, ol bіrneshe apta qatardan tys qalady. Bul bіz úshіn belgіlі bіr belgі. Buǵan deıіn aıtqanymdaı, onyń maýsym aldyndaǵy daıyndyǵy tolyq bolǵan joq. Bіz fýtbolshylarǵa qajettі júkteme berýge tyrysamyz, sonymen bіrge olardy saqtaýǵa da mán beremіz. Eń bastysy – durys tepe-teńdіk tabý», – dedі bapker.
Jaraqatyna baılanysty Dastan Sátpaev Qazaqstan quramasynyń Ulttar lıgasyndaǵy alǵashqy tórt oıynyna qatysa almaýy yqtımal.
Ulttyq qurama bul kezdesýlerdі 26 qyrkúıek pen 6 qazan aralyǵynda ótkіzedі. Qazaqstan quramasynyń naqty tіzіmі bіrneshe kúnnen keıіn jarııalanady.
Aıta keteıіk, Dastan Sátpaev jazǵy transfer kezeńіnde londondyq «Chelsı» klýbyna aýysqan bolatyn. Keıіn ol maýsymdyq jalǵa alý kelіsіmіmen «Bernlı» sapyna qosyldy.
Material avtory
