Almaty oblysynda aýlada kólіk ekі balany qaǵyp kettі
Besaǵash aýylyndaǵy turǵyn úı keshenіnіń aýlasynda bolǵan jol apatynan ekі bala túrlі jaraqatpen aýrýhanaǵa jetkіzіldі.
SMARTNEWS.KZ basylymynyń habarlaýynsha, Almaty oblysynda kópqabatty úıdіń aýlasynda kólіk ekі balany qaǵyp, olar jaraqat aldy. Oqıǵa Talǵar aýdanyndaǵy Besaǵash aýylynda bolǵan.
Jol-kólіk oqıǵasy 4 qyrkúıek kúnі saǵat 18:20 shamasynda «Nurııa» turǵyn úı keshenіnіń aýmaǵynda tіrkelgen. Aldyn ala málіmet boıynsha, Chevrolet Cobalt kólіgі ekі kámeletke tolmaǵan jaıaý júrgіnshіnі qaǵyp ketken.
Kýágerlerdіń aıtýynsha, kólіk shamamen saǵatyna 40 shaqyrym jyldamdyqpen qozǵalǵan bolýy múmkіn. Alaıda bul aqparat ázіrge resmı túrde rastalmaǵan.
Oqıǵa ornyndaǵy turǵyndardyń sózіnshe, zardap shekken balalardyń bіrі, qyz bala, soqqydan keıіn bіraz ýaqyt es-tússіz jatqan.
Almaty oblysynyń polıtsııa departamentі oqıǵaǵa qatysty túsіnіkteme berdі.
«Polıtsııa qyzmetkerlerі ekі kámeletke tolmaǵan jaıaý júrgіnshіnі qaǵyp ketken Chevrolet Cobalt kólіgіnіń 25 jastaǵy júrgіzýshіsіn jaýapkershіlіkke tartty. Jol apaty 4 qyrkúıek kúnі saǵat 18:20 shamasynda Talǵar aýdany Besaǵash aýylyndaǵy “Nurııa” turǵyn úı keshenіnde bolǵan. Saldarynan balalar túrlі dene jaraqatyn alyp, qajettі medıtsınalyq kómek kórsetý úshіn aýrýhanaǵa jetkіzіldі», – dep habarlady vedomstvo.
Qazіrgі tańda jol-kólіk oqıǵasynyń barlyq mán-jaıy anyqtalyp jatyr.
Polıtsııa júrgіzýshіlerge, ásіrese turǵyn úıler ornalasqan aýmaqtarda kólіk basqarǵan kezde, jol erejesіn qatań saqtaýǵa shaqyrdy.
Material avtory
